SONDAZHI/ Si ndahen votat për Tiranën e Shqipërinë

9 muaj para zgjedhjeve, rezultatet e sondazheve japin një panoramë të përafërt se çfarë duan e nuk duan shqiptarët. Duket se mazhoranca nuk është aq e favorizuar përballë opozitës së fragmentarizuar. Por ka shumë qytetarë që janë skeptikë si për njërën apo tjetrën forcë politike. Sipas sondazhit të Zaloshnjes, (ekskluzivisht për Newsbomb.al), zhvilluar në 12 tetor, të fituar do të jenë ata kandidatë që do të bëjnë për vete elektoratin gri. Kur asnjë forcë politike nuk ka hedhur në fushë ndonjë kandidat potencial, qytetarët kanë një ide të përafërt sesi do të votojnë edhe në bazë të trashëgimnisë. Por në fund, gjithçka do të varet nga humori i pritshëm elektoral i vitit 2023.

Zgjedhjet vendore 2023 pritet të mbahen në maj të vitit të ardhshëm. Presidenti i Republikës Bajram Begaj ka filluar konsultimet me aktorët politikë në vend për të vendosur se kur do të zhvillohen këto zgjedhje.