RREZIKU NGA VETDEKLARIMI I RREMË

Censusi mund të sjellë këtë panoramë : Nga Qafë Bota në Llogara ngrihet flamuri grek krah atij shqiptar.

Në Europë jetojnë shumë grekë. Por, ata nuk quhen minoritet, njëlloj sikurse nuk quhen as shqiptarët. Ata quhen emigrantë ose diasporë. Mund të jenë 2 milionë grekë në Shtetet e Bashkuara të Amerikës, por nuk quhen pakica kombëtare sepse nuk jetojnë në territor etnik grek. Mund të jenë po aq edhe shqiptarë, por sërish mbeten emigrantë. A kapin 20% a jo ky është një debat që do ta shtjelloj më poshtë me studiuesin Ardit Bido, por censusi për çdo herë më grish, jo vetëm për sjelljen e shqiptarëve kundrejt grekëve, por më së shumti për sjelljen e grekëve kundrejt shqiptarëve. Jam e bindur që ne mund të përmirësojmë sjelljen tonë si shoqëri e politikë, por jam e shqetësuar se deri ku synojnë grekët të na tjetërsojnë, me pensionet, me bursat, me pasaportat që të fshijnë edhe emrin që të ka vënë nëna. Si sillemi ne politikisht me grekët në Shqipëri dhe si grekët me shqiptarët në Greqi? Pse synojnë të blejnë ata ndër vite identitetin e shqipëtarëve? Kwto janw vetwm disa nga pyetjet qw mw grishin teksa lexoj studimin e prof. Ardit Bido.