MARK PALNIKAJ, INXHINIERI QË “ZHVARROS” ARKIVAT E VATIKANIT

Mark Palnikaj është nga ata studiues që pak faqe revistë nuk e nxjerrin madhështinë e punës kolosale që bën. Ka depërtuar në Arkivat e Vatikanit (dhe jo vetëm) e prej andej, për vite me radhë, me orë të gjata pune ka nxjerrë pafund dokumente të panjohura për Shqipërinë, Kosovën dhe Shqiptarët. E nisi këtë punë se irritohej nga falsifikimi i historisë, siç tregon vetë, por që më pas iu kthye në pasion. Edhe pse ka nxjerrë mbi 50 botime dhe qindra artikuj, askush nga qeveria apo Akademia e Shkencave, nuk kujtohet të shohë se çfarë disponon ky studiues që e nisi si kryeinxhinier e kërkon ta mbyllë jetën si studiues me kohë të plotë.

Ai është një burrë tipik malësor, me karakter të fortë, i pathyeshëm dhe me një lloj vetëbesimi të cilën ta imponon puna e tij shumë vjeçare për të zbardhur historinë e panjohur të Shqipërisë. Deri më tani ka nxjerrë 50 botime e qindra artikuj historik, ndërsa është ndër të rrallët shqiptarë që kanë hyrë në Arkivin Sekret të Vatikanit duke “zhvarrosur” dokumente të rralla për vendin tonë