Kullat e paligjshme të Tiranës

Në 2020 në Athinë, fadromat prishën dy katet e një hoteli me pesë yje, me LEJE. Në kulmin e pandemisë coronavirus, arsyeja ishte e pabesueshme: dy katet e ndërtuara nuk u lejonin qytetarëve të shihnin Akropolin, simbolin e Greqisë. Në Shqipëri, kullat me leje, për shkak të numrit të madh të kateve që nuk i numëronte kush, shtuan të tjera pa leje. Edi Rama ishte i pari që denoncoi paligjshmërinë dhe inicioi konfiskimin ose blerjen e shtesave nga ndërtuesi me çmimin e tregut. Por denoncimet zgjatën veç një javë: si me buton u shua kjo zhurmë e u spostua diku tjetër. Qeveria e pa se një vendim i tillë nuk i dha pikë në publik, përkundrazi, shtoi maksimalisht dozën e pakënaqësisë së qytetarëve

Ishte 11 maji 2020. “Rruspat” e Athinës shkuan drejt hotelit luksoz me 93 dhoma që ishte ndërtuar në rrugën “Falirou” dhe filluan shkatërrimin e dy kateve: arsyeja ishte gati-gati e pabesueshme: katet me leje të hotelit, nuk lejonin qytetarët të shihnin Acropolin, madhështinë e qytetit dhe të vetë Greqisë. Gjykata kishte vendosur të prisheshin.