Ervin Salianji: Veliaj ka mbyllur sytë pa lejen e Ramës? Ata janë bashkë me OLIGARKËT

Ervin Salianji, deputet i PD, më shumë se një muaj më parë, në 13 shtator 2022 dërgoi një letër zyrtare te kryeinspektorja e IKMT-së Dallëndyshe Bici, për të marrë një informacion të detajuar mbi numrin e subjekteve të konstatuara që kanë kryer ndërtime të paligjshme në Tiranë. Shkresa nuk ka asnjë përgjigje. Ndaj, Salianji vendosi të dalë vetë publikisht, me letra në dorë, duke marrë rolin e akuzuesit për ndërtuesit e këtyre kateve pa leje. Në një intervistë për revistën Neësbomb.al, Salianji bën edhe llogaritë sesa shumë fitojnë “oligarkët” sipas tij, me aktin normativ të qeverisë që ua legalizon katet pa leje, nën moton e “konfiskimit” apo pagesës së gjobës. Por Salianji argumenton më tej se Bashkia dhe Qeveria janë kthyer tanimë në një pallat që shton katet pa leje të pushtetit të korruptuar. Ndaj janë në një simbiozë të qartë edhe me ndërtuesit që po amnistojnë. Zoti Salianji, ju jeni mesa duket, deputeti i vetëm i opozitës që dolët përballë kullave me kate pa leje me letra në dorë për të denocuar atë që po quhet nga zyrtarët e qeverisë si “operacioni i vendosjes së rregullit në territor”. Por mbeteni zë i vakët… Operacioni i nisur nga qeveria është një operacion propogande, për të mbuluar dështimin e madh në kontrollin e territorrit! Qeveria dhe institucionet e saj kanë dështuar plotësisht të zbatojnë ligjin, aq të sigurt kanë qënë oligarkët e ndërtimeve dhe njëkohesisht aq pa fuqi janë institucionet shtetërore, sa paligjshmëria është sheshit në mes të sheshit qendror të kryeqytetit! Ndërtimet e paligjshme në zonat më të ruajtura, tregojnë poshtërimin e shtetit dhe qeverisë nga oligarkët, tregon dystandartet në zbatimin e ligjit dhe po ashtu dyshimet e forta për korrupsion masiv! Opozita, pavarësisht problemeve të saj, në mënyrë të kohëpaskohshme është bërë pjesë e denoncimeve për korrupsionin e kësaj qeverie. I është bashkuar dhe zërit dhe shqetësimit të qytetarëve që masivisht e kanë hedhur poshtë farsën shoë të vetë kryeministrit për këtë çështje. Unë personalisht, prej ditësh kam nisur shkresa zyrtare në adresë të institucioneve përgjegjëse për këto fenomene, shkresa, që edhe sot e kësaj dite, nuk kanë një përgjigje. Dhe është e kuptueshme apo jo? Nuk kanë se çfarë të thonë. Ishte kryeministri që i denoncoi këta ndërtues dhe po ai që inicioi Vendimin e qeverisë për këtë qëllim. Duket se qeveria ka vullnet? Kështu ju duket juve? Po kush ja ka lidhur duart kryeministrit që nuk vepron ndaj oligarkëve të ndërtimeve të paligjshme? Qeveria është e pafuqishme të kthejë dhe përgjigje brenda afateve siç e parashikon ligji për statusin e deputetit, ndaj kërkesës që unë kam bërë. Kanë më shumë se një muaj që janë mekur! Nëse Rama ka fuqi dhe nuk e pengon asgjë për të zbatuar ligjin mund të përgjigjet edhe publikisht: - Sa është numri i rasteve të ndërtimeve të paligishme që qeveria, ka referuar në prokurori për veprën penale të "Ndërtimit të paligishëm" dhe “Dhënia e ndihmës për ndërtim të paligishëm", të parashikuara nga nenet 199/a dhe 199/b të Kodit Penal? -A janë referuar në prokurori oligarkët e kullave të paligjshme, nëse po cili? -Cila është arsyeja që ligji nuk vlen për këta? -Pse nuk i rrethon policia ndërkohë që po jua tregojmë në mes të sheshit, paligjshmërinë? -Pse nuk ju afrohen fadromat dhe inspektorët e IKMT? -Pse nuk ka gjoba ndaj tyre? Në çdo rast tjetër qeveria ka përdorur me ashpërsinë më tē madhe ligjin! Në rastin konkret, kur bëhet fjalë për shtesa katesh pa leje nga oligarkët, nuk ndërhyn. Në fakt, edhe gjoba janë vendosur. Edhe denoncime janë bërë sipas dokumenteve që kanë dalë në dritë më së fundi. Kur thoni se qeveria ka përdorur ligjin me ashpërsinë më të madhe, i referoheni qytetarëve të denoncuar? Po sigurisht atyre. Vetëm vitet e fundit janë dënuar mijëra qytetarë, raporti i Prokurorisë së Përgjithshme mbi gjëndjen e kriminalitetit, pasqyron mijëra rastet e referuara për veprën “Ndërtim i paligjshëm”. Për të kuptuar shtetin e ndërtuar nga Rama po ju tregoj tre raste nga mijëra raste të ngjashme se si dënohen dhe dhunohen qytetarët, se si funskionon çdo hallkë e shtetit!! Sokol Negollari u arrestua se po ndërtonte pa leje shtëpinë e re pranverën e 2016-s në një fshat të Kavajës. Ai u kap teksa kishte prishur banesën e vjetër dhe në të njëjtin truall po ngrinte shtëpinë e re. Mediat më pas raportuan që ndaj tij u mor masa arrest me burg dhe u transferua në burgun e Rrogozhinës. Më 7 maj 2016, familjen e pllakos tragjedia, teksa bashkëshortja bën aksident me makinë në afërsi të Kavajës. Ajo udhëtonte me makinë për në burgun e Rrogozhinës së bashku me tre fëmijët e çiftit. Nga aksidenti gjetën vdekjen dy fëmijët 3 dhe 5 vjeç, ndërsa u plagos bashkëshortja dhe fëmija tjetër 13 muajsh. Të afërmit e familjes fajësuan shtetin për tragjedinë, duke e akuzuar se mbajtën gjatë, me pa të drejtë në burg, Sokol Negollarin për ndërtimin pa leje. Shtetasi P.B., 63 vjeç me banim në Fushë-Krujë. Në 2016, ky shtetas vendosi të zgjasë rrethimin me mur të shtëpisë private (avllinë), kuptohet që burgu e pret dhe ndërtuesin e madh të avllisë. Rasti i tretë është i shtetasit I.SH., 58 vjeç nga Peqini. Ai në vitin 2018 u arrestua teksa ishte duke shkuar në punë me mjetin e tij motoçikletë “Papaq”. Në mjet kishte çantën me “armët e krimit” me mistrinë, metër, plumbçen me fijen që përdoret për orientim gjatë ngritjes së murit dhe mjete të tjera që i shërbenin për punë. Por, nën akuzën se do të ndërtonte pa leje, vetëm me veglat në çantë, u arrestua. Të tre rastet janë tregues i qartë se cila prej kategorive të qytetarëve përballet dhe ndëshkohet ashpër nga qeveria! Nëse je i varfër, nëse s’ke mundësi e lidhje me qeverinë, përfundon në burg për një avlli, për një suvatim apo se mban mistri me vete; nëse ke abuzuar, ke përfituar nga fondet publike, ke ndërtuar pa leje mijëra metra katror në mes të Tiranës, qeveria e Ramës të përkëdhel, të legalizon! Po ndërkohë këto kate pa leje, apo shtesa janë bërë tashmë. Ju keni idenë se duhet të prishen? Apo duhen legalizuar, amnistuar, konfiskuar? Pra konkretisht, a keni një zgjidhje? Shteti ka vendosur ligje të ashpra për të kontrolluar atë që qeveria e quante badërdia në territor. Për ndërtimet e paligjshme ligji është i ashpër, parashikon gjobë, prishje dhe dënim sipas rastit deri në 5 vjet burg! Po ju marr një shembull që qeveria e trumbetoi si konfiskim. “Konfiskimi” i thuajse 5000 metra katror ndërtim të paligjshëm në mes të Tiranës! Nëse do të ishte brenda lejes së ndërtimit për 5000 metra katrorë, ndërtuesi/investitori do të duhej të paguante pronarin e truallit me thuajse 50% të sipërfaqes së ndërtimit, (aq është vlera me te cilën operohet në atë zonë sipas kontratave mes pronarëve të trojeve dhe ndërtuesve/investitorëve). 8 përqind do të ishte taksa e ndërtimit, shoqëruar me taksa të tjera, kostot do të ishin të mëdha dhe minimalisht 60% e sipërfaqes së ndërtuar do të ishte për këto kosto. Nga 5000 m2 ndërtuesit do i mbeteshin 2000 metra katror! Çfarë fiton investitori apo ndërtuesi me aktin normativ të qeverisë: shmang prishjen, shmang gjobën, shmang burgun, legalizon/ hipotekon shtesat pa leje! E blen pronën me çmim shumë më të lirë se çmimi që do të paguante, nëse do e kishte në leje siç e shpjeguam më lart. Për 5000 m2 të konfiskuara me çmim reference 1200 euro metri katror në ate zonë, do të paguajë 6 milionë euro dhe do të jetë pronar i një prone me vlerë reale tregu: minimalisht 5000 m2 x4500 euro metri katror mesatar i çmimit në atë zonë = 22.5 milionë Euro. Fitimi siç lehtësisht mund ta përllogarisë kushdo, është marramendës për atë që ka kryer paligjshmërinë! Në fakt, lufta juaj aktuale është me qeverinë, pra Edi Ramën për paligjshmërinë e ndërtimeve pa leje, apo kryetarin e bashkisë Erion Veliaj? Kush mendon se Erion Veliaj e ka bërë këtë pa lejen e Edi Ramës është thjesht “miop” për të parë të vërtetën e madhe se të gjitha këto investime oligarkësh janë me bekimin e të parit të qeverisë. Kjo nuk e zhvesh kryebashkiakun Veliaj nga përgjegjësia personale direkte për masakrën urbane në Tiranë, në qendër të Tiranës ndërkohë që prej vitesh nxjerr me gjithë lecka qytetarët e thjeshtë nga shtëpitë. Të gjithë i kujtojmë skenat e qarjeve masive të qytetarëve te zona e 5 Majit kur për interesin publik u mori shtëpitë që gjithsecili i kishte me leje dhe gjithë këtë procedurë e bëri pa rënë dakord më parë me qytetarët. Këta kanë arritur në pikën ku nën moton për “interes publik” të hyjnë në shtëpi, të nxjerrin jashtë prej leckash e të lënë në rrugë të madhe. Të tilla skena, i kemi parë në kohën e diktaturës kur shteti u merrte pronën qytetarëve. Po dhe aq faj nuk kanë përsa kohë që pinjollët e tyre, janë në pushtet sot. E gjithë kjo situatë zgjidhet me një votë masive kundër këtij regjimi të ri që po instalohet në vend. Nuk mund të legalizohet me votën e lirë të qytetarëve betonizimi i Tiranës; nuk mund të legalizohet me votën e qytetarëve prishja e Teatrit të vetëm Kombëtar për hir të interesave klienteliste. Nuk mund të legalizohet po ashtu edhe gjithë historia korruptive e kryebashkiakut të Tiranës me inceneratorin e Tiranës, për të cilën ai vetë ka firmosur, vulosur e vazhdon të paguajë. Ka shumë aksione korruptive në Tiranë që mbyllen e mbulohen në emër të punëve të mira. Opozita shqiptare ka përdorur mekanizmat e saj të kontrollit në parlament. Ka ngritur zërin në denoncime të herëpashershme. Është bashkuar me qytetarët për të dhënë shembullin e parë të revoltës. Por, në aksione të tilla të gjithë duhet të jemi bashkë. Eshtë e udhës që të kuptojë gjithsecili prej nesh se sa më shumë zgjatemi në debate tonat të brendshme, aq më shumë fiton terren korrupsioni e paligjshmëria që çon në pasurimin e këtyre pushtetarëve të babëzitur. Këta nga ana e tyre, po shtojnë katet pa leje të pushtetit të tyre njëlloj siç e lejojnë këtë tek oligarkët që mbështesin po vetë.

Ervin Salianji: Veliaj ka mbyllur sytë pa lejen e Ramës? Ata janë bashkë me OLIGARKËT

Nga Besjana Lika

Artikuj të ngjashëm Artikuj

IGLI CARA, durrsaku që do të ngrejë në fron Dyrrahun

David Kostelancik, ambasadori i ri amerikan që do “drejtojë” Shqipërinë

Dan Hutra, vrasësi që urrente gratë

Pasuria e Ahmet Zogut

Eleganca e përjetshme e Kristaq Skramit

“GOGOLI” McGonigal dhe vullkani i ndezur i Ballkanit

Artikujt më të lexuar

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

SONDAZHI/ Si ndahen votat për Tiranën e Shqipërinë

Mimika Luca, Jetoi dhe dashuroi historinë e saj

Milioneri amerikan që zhvati 250 mijë franga ari nga Banka e Shqipërisë

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

Perëndesha Shqiptare e Spiunazhit botëror, historia e panjohur e Zejnep Vlorës

“GOGOLI” McGonigal dhe vullkani i ndezur i Ballkanit

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

Ervin Salianji: Veliaj ka mbyllur sytë pa lejen e Ramës? Ata janë bashkë me OLIGARKËT

Nga Besjana Lika

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?