“Do të fusim 200m nën dhe”, kërcënimi që vuri në mbrojtje kreun e Elbasanit

Ditën që mori detyrën në Elbasan, Kreshnik Ajazi e gjeti qytetin me katër grupe kriminale të pamëshirshme, që i kishin kthyer lagjet e qytetit në territore ku fuqia tregohej duke eleminuar kundërshtarët. Vitin e parë si kryeprokuror pati katër të vrarë në qytet vetëm në sezonin e verës. Atentate të mirfillta.

Katër vjet më pas Ajazi, eskortohet drejt zyrës nga një makinë e blinduar e vënë në dispozicion nga Policia e Shtetit. Dhe truproja që nuk i ndahen asnjë hap. Si Kreshnik Ajazi nën mbrojtje të posaçme është edhe zëvendësi i tij Xhelian Seferi, dhe Ridvan Suka (transferuar në Tiranë), që të tre prokurorë të grupeve kriminale që kthyen në çelës të kutisë së Pandorës në Elbasan Nuredin Dumanin, Elvis Bardhin, Artan Tafanin, Euglen Halilin, Henrik Hoxhën. Një i pestë në fushën e narkotrafikut që është i arrestuar në një burg të sigurisë së lartë, shpresohet të kthehet në të penduar.