LAHUTA E FISHTES shkruar me dorë, 40 vitet e thesarit unikal

Sikur të mos ishte një vëzhgim qemtues e promovues si ato që bën Altin Prenga i Mrizit për Fishtën e tij, zor se gazetarët e opinioni do kishte zbuluar se atje në atë fshat, në raftet e bibliotekës së një familje jeton një kopje e “Lahutës së Malcisë” shkruar me dorë me një kaligrafi të përkryer nga Nik Toma që në vitin 1986. E kopjuar për një muaj me radhë në fshehtësi të plotë nga regjimi – sepse 30 këngët e Lahutës ishin të ndaluara – ky thesar sot merr një vlerë të veçantë. Gjon Nika, i biri, që është sot trashëgues i “Lahutës” rrëfen për Neësbomb.al emocionet e veçanta, fshehtësinë me të cilin u shkrua në atë kohë libri, persekutimin e familjes së tij për shkak të Postribës dhe faktin sesi ka rezistuar për 40 vjet ky libër për tjua treguar edhe brezave.

“Ka qenë viti 1986 kur baba e ka marrë “Lahuten e Malcisë” tek Dodë Loshi në fshatin Trush. Kishte mungesë sepse “Lahuta” e At Gjergj Fishtës ishte e ndaluar. I ka thënë, për një muaj ta kthej”.