Pranvera u kthye!

Është bërë dikush gati të paketojë xhupat e mëdhenj dhe palltot?! 🤚🏻 Ja e ngrita dorën dhe jam e para që mezi pres të zhduket ky dimër ( jo vetëm ky i këtij viti por dimri në përgjithësi). Nëse dikush ka në dorë të shtypë direkt “butonin” e pranverës le ta bëjë me shpejtësi dhe me kënaqësi e presim mes nesh (stinën më të bukur të vitit) 🥰 E fillova pak si “drama queen” këtë shkrim por për hir të së vërtetës dimri në garderobën tonë këtë vit (dhe atë që lamë pas) ka qenë shumë “cool”. Kemi veshur pulovra të mëdha e të trasha por të kombinuara edhe me funde apo fustane me temina, kostume oversize nën pallto, pellusha shumëngjyrësh e plot çmendurira të tjera. Por a jeni gati për disa funde të shkurtër, ngjyra neon të viteve ‘90, të brendshme, sipër veshjeve tuaja… ?! Epo ja pra kjo është arsyeja që mezi po pres të vijë kjo e uruar pranverë… 🌺 Pantallona dhe funde me bel të shkurtër 🙈🙈 As vet s’dua ta besoj që po rikthehet moda e viteve 2000, por pantallonat dhe fundet me bel të shkurtër do të jenë dominueset e këtij sezoni. Ata që kanë qenë adoleshentë në vitet 2000 me siguri i kujtojnë veshjet me bel poshtë të këngëtares Christina Aguilera (të tmerrshme por të vërteta), kështu që për disa kohë harrojini pantallonat me bel të lartë dhe nxirrni nga arkivat (gjithnjë nëse i ruani veshjet) pantallonat dhe fundet me bel poshtë 🙈🙈 Ngjyrat metalike Jo se nuk i kishim të pranishme edhe në muajt që lamë pas, por këtë pranverë kudo nga të hidhni sytë do të shihni, modele, blogere, “influencers” në rrjete sociale (dhe jo vetëm) që do të shkëlqejnë me ngjyra argjendi dhe floriri🤷🏻♀️ Se ke ende një veshje të tillë?! Mirë është ta blesh… Super të tejdukshme Kjo pranverë dhe verë do të na gjejë më transparent se kurrë. Dhe kjo është cilësuar si një nga risitë e vitit 2022. Kush është guximtarë, le t’ja bëj bam?! Unë për vete nuk guxoj 🙈 Minifundet jo të shkurtër por super të shkurtër Në sfilatat e Prada, Dior, Versace por edhe të Moschinos e Max Mara-s u vu re diçka e përbashkët. Fundet super të shkurtër. Ky është një kthim pas në modën e viteve ‘90 dhe një trend që kanë filluar ta përqafojnë menjëherë blogerët nëpër botë. E verdha neon Të gjithë adhuruesit e ngjyrave pastel duhet të tërhiqen një hap më mbrapa sepse tani erdhi koha e ngjyrave neon. E verdha neon do të jetë ngjyra që do t’ju vrasë sytë këtë sezon. Personalisht e pëlqej shumë.

Nga Suada Daci

Artikuj të ngjashëm Artikuj

Pak retro, shumë chic! Detajet marrin “pushtetin” në verë

Joni Peçi zbret Hënën e Tij në pasarelë

Me një veshje s’vjen PRANVERA!

SHKURTI I DASHURISË

NGROHTËSI dhe KOMODITET në këto ditë të ftohta dimri

Dhjetori SHKËLQEN me Xixa e Pellush

Artikujt më të lexuar

Një vit pa Tanin, por me veprën që la pas

Tre pengjet, tre amanete, tre mesazhe politike

DASHURITË E MIMOZËS APO MOZË DASHURIA?

Tirana, Besnikëri, apo Rebelim?

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

MOZA ËSHTË TUTORI I VETËM I VETES

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?