3 palë sy që komentojnë Veliajn: Kur të “shfronësojnë” bashkëpunëtorët

Arian Çani, Erl Murati dhe Ben Andoni kanë të njëjtin qëndrim kur shprehen për kostot publike që ka marrë maxhoranca pas goditjeve të fundit të SPAK në bashkinë e Tiranës, por ndahen në qëndrimet e tyre sesa efekt do të ketë një veprim i tillë për zgjedhjet e arshshme 2025 në votat e elektoratit. Ajo që dihet tanimë, është shkundja e madhe e maxhorancës pas aksioneve të prokurorisë, pavarësisht se përballë gjendet një opozitë që “i ka humbur” sigla e vula dyerve të gjykatave. “Shqipëria 2030”, projektuar nga kryesocialisti Edi Rama në dhjetorin e vitit që shkoi nuk po shihet më me opsionin ‘e sigurt”, por paqartësia e elektoratit gri është gjithmonë në rritje. Vallë, a po kthehet SPAK në një faktor determinant për zhvillimet politike në vend???

Salla e Pallatit të Kongreseve ishte plot atë pasdite të 8 Dhjetorit 2023. Socialistët kishin ardhur nga të gjitha qytetet për Kongresin e Jashtëzakonshëm. Edi Rama po ju fliste të vetëve për vizionin e tij “Shqipëria 2030”, ndoshta edhe duke e ditur se jo të gjithë në sallë do të jenë krah tij deri atëherë.