0800 26 26, zëri i ri i konsumatorit shqiptar

E mërkura e 12 shkurtit 2025 solli në vëmendje të publikut shqiptar konferencën e veçantë dhe të shumëpritur nga këndvështrimi i nevojave të konsumatorit shqiptar. Tematika e konferencës nuk ishte si çdo tematikë e trajtimeve që kanë shtrirje kohore dhe trajtojnë probleme politikash nxitëse, orientuese, apo zhvillimore, gjë e cila zakonisht krijon një mundësi ndryshimi afatgjatë dhe disi jo aq të prekshëm nga konsumatori brenda një kohe të shkurtër. Tematika e kësaj konference ishte një nevojë dhe domosdoshmëri sociale që rakordon moralisht dhe praktikisht nevojën dhe mundësinë e konsumatorit për të qenë pjesë e sigurisë konsumatore, duke filluar që nga siguria ushqimore e deri tek siguria e blerjeve të artikujve te shumëllojshëm në Internet. Dhe në vetvete tematika e kësaj konference ishte prezantimi i një projekti civil, të shumëpritur, të përgjegjshëm, që përcjell zërin konsumator në çdo hallkë të dobët të zinxhirit furnizues apo ofrues të artikujve të tregjeve të ndryshme, që përcjell shqetësimin konsumator kudo ku ky zë rrëzon barriera burokratike të panevojshme dhe krijon barrikadë mbrojtëse për konsumatorin me pas edhe tek biznesi, edhe tek shteti. Fjala është për projektin “ Linja e gjelbër telefonike për mbrojtjen e konsumatorit - Siguria ushqimore dhe forcimi i mbrojtjes së të drejtave të konsumatorëve në Shqipëri nëpërmjet fuqizimit të OSHC-ve lokale (organizatat e shoqërisë civile)”, financuar nga Bashkimi Evropian dhe që zbatohet nga Qendra ALERT në bashkëpunim me Lëvizjen Euopiane në Shqipëri (EMA). Rëndësia e këtij projekti rezonon me çdo standard ndërkombëtar të sigurisë ushqimore dhe asaj konsumatore dhe është pikërisht koeficienti maksimal ndërgjegjësues që Qendra ALERT aplikon prej vitesh në lëmin e sigurisë ushqimore ai që shërben si faktor nxitës për këtë hap reformues në mënyrën e trajtimit të pavarur që konsumatori kërkon të ketë si opsion për shkeljet apo parregullsitë e standardeve të tregtimit, sidomos atij ushqimor. Pavarësisht një simbioze rastësore me numrin e gjelbër të denoncimeve apo ankesave qe AKU ka vënë në dispozicion të publikut prej vitesh, numri i gjelbër 0800 26 2 6 i vënë në dispozicion nga Qendra ALERT jo vetëm krijon një opsion që qëndron jashtë potencialit gjykues që mund të ekzistojë në publik në raste jo-kuptimplote ndaj AKU, por është njëkohësisht edhe një opsion garantues i vetë punës që bën edhe AKU nga ana e vet, duke garantuar edhe të drejtën konsumatore për opsione të pavarura njoftimesh për ankesa apo denoncime, por duke garantuar edhe një krahasim standardesh midis punës se AKU dhe një përfaqësuesi aq kuptimplotë të shoqërisë civile. Pasurimi i mundësive apo opsioneve në shërbim të publikut, shqetësimit konsumator, apo nevojës për krahasim standardesh është sot një modus operandi (mënyrë pune) e niveleve ndërkombëtare, që nuk gjendet si mundësi e një procedure standarde në të gjitha shtetet, përfshirë ato perëndimore. Me fjalë të tjera, kjo nismë, ky projekt, kjo vënie në zbatim e një filozofie revolucionarizuese që de facto krijon një sistem të checks and balances (të kontrollit dhe barazpeshës) në duar të publikut dhe e manaxhuar nga publiku, është një aspekt perfeksioni i një demokracie që i jep kuptim edhe origjinës se fjalës “republikë” , duke demonstruar dhe hapur rrugën e një guximi qytetar për dhe në shërbim të publikut, pikërisht atëherë kur perceptimet popullore ndaj performancës së parcelave shtetërore edhe mund të lëkunden nga erërat politike të fushatës elektorale kaq prezente fuqishëm këtë pranverë decisive. Një moment kuriozitar që duhet theksuar për audiencën është se të tilla projekte, sado të thjeshta në dukje, sado utilitare në logjikë, nuk janë të arritshme pa përballjet me kosto të larta kohore dhe moralisht konsumuese. Qendra ALERT e ka aplikuar funksionimin teorik të kësaj linje të dedikuar konsumatorit që prej 4 vitesh, duke ndërmarrë hapa jashtëzakonisht impresionues për sa i përket kontratave me kompanitë e telefonisë celulare dhe tokësore, lidhjeve me opsionet e përdorimit të platformave të treta që kalojnë nëpërmjet konfigurimeve teknike, aplikimit të metodave të sofistikuara dhe aftësive superbe nga ana e qendrës ne aspektin e Marrëdhënieve me Publikun, marketimit, planit të biznesit, rezolucionit moral dhe etik që duhej t’i jepej i gatshëm klauzolave dhe provizioneve ligjore në përpjekjet për lidhjen e kontratave brenda dhe jashtë vendit, punës dhe përpjekjeve nganjëherë përtej mundësive korrente për të pasur gatishmëri kohore të mënjëhershme nga ana e mekanizmave ndërkombëtare, mundësive dhe pamundësive të mbulimit të punës me personel teknik të specializuar, etj. Nga ana tjetër, ky projekt mbarëkombëtar në ndikim, i përjetshëm në kohëzgjatje, i adhuruar në surprizën që sapo krijoi, përmban një aspekt sa objektiv, aq edhe subjektiv, sa konkret, aq edhe virtual: të shërbyerit si një stacion qendror, një stacion virtual të tipit “Grand Central”, një “hub” (pike bashkuese dhe shpërndarëse) ku konsumatori gjen veten, gjen përfaqësuesin moral dhe ligjor, gjen relatorin, gjen ekspertin, gjen përgjigjen për gjithçka që krijon marrëdhënien e tij konsumatore me tregjet dhe platformat tregtare të të gjitha natyrave. Ky projekt në atributin e mësipërm krijon edhe precedentin e munguar të vetë-korrigjimit tregtar, duke ekspozuar cdo imperfeksion dhe duke u vënë virtualisht edhe në rolin e një audituesi inoçent, pa pagesë nga ana e tregtarit, pa shkëlqimin e politikës së madhe tregtare apo shtetërore, pa nevojën konsumuese për glorifikim publik, pa dhënë shkas për aplikime diabolike të ligjit në duar të gabuara, pa kërkuar shpërblime në shkëmbim të dhënies së informacionit, pa asgje atrofizuese në natyrën e përmbajtjes së ve. Ky projekt krijon një shpërblim moral dhe shëndetësor për çdo qytetar shqiptar: sigurinë e cilësisë, nxitjen e saj, zhbërjen e abuzimit tregtar, reformimin e mendësisë konsumatore herë-herë të përulur, herë-herë të fyer, herë-herë të injoruar. Ky projekt “kaq i thjeshtë” është në fakt kaq multi-dimensional saqë nuk është e nevojshme të zgjatemi me reklamimin e aspekteve gjithëpërfshirëse të tij në një shkrim të vetëm. Sepse koha do të diktojë më shumë se kaq. Koha do të tregojë dhe provojë se shkrime të tjera në vazhdim do të jenë të domosdoshme për të sjellë në skenën e qytetarëve vetë eksperiencat qytetare që do të gjejnë të domosdoshëm përdorimin e këtij projekti të mishëruar në një numër telefonik kaq të thjeshtë: 0800 26 26 .

0800 26 26, zëri i ri i konsumatorit shqiptar

Artikuj të ngjashëm Artikuj

“Safe2Eat”, fushata që na çon më pranë BE me ushqimin

Damasku, kryeqyteti i paqes së humbur

NewsBomb 10-vjeç

Parashqevi Simaku/ Nga “yll i skenës” te Paranoja Skizofrenike

Kurioziteti i Fenomenit AKU

Arben Tafaj, Zemreku i orës tironse

Artikujt më të lexuar

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Prangat e Veliajt, skenari i zgjedhjeve

EKSKLUZIVE/ Spiunët e televizionit

Damasku, kryeqyteti i paqes së humbur

Si e (vetë) vranë Vladimir Shehun, ku është letra e fundit???

Muzeu i Luftës: Nga MIG-ët te NATO, si ka evoluar ushtria shqiptare!

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

0800 26 26, zëri i ri i konsumatorit shqiptar

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?