HOROSKOP BOMB

Dashi Pas një dhjetëditëshi të parë zhgënjyes për ju, ngaqë pritshmëritë tuaja në planin ekonomik kanë qenë për shumë më tepër, do të kaloni një periudhë të shkurtër në një gjendje konfuze. Megjithatë, për fatin tuaj të mirë, situata do të ndryshojë dhe pozitivisht në festat e fundvitit. Është Afërdita e sidomos Mërkuri që ju sjellin kthjelltësinë e munguar dhe bashkë me të edhe sigurinë në vetvete. Në planin sentimental gjërat shkojnë mirë por mos kërkoni t’ju dalë gjithmonë e juaja edhe kur s’keni të drejtë. Demi Në përgjithësi ju që i përkisni kësaj shenje i keni yjet në anën tuaj dhe normalisht gjërat duhet të shkojnë mirë, por mund të jeni disi të mërzitur me njerëz që ju kanë bezdisur vazhdimisht kohët e fundit. Mundohuni të përqëndroheni në atë që është më e rëndësishme për ju, që është aktiviteti i juaj i përditshëm dhe të përcaktoni prioritetet. Hëna e mirë në shenjë është në mbështetjen tuaj por mundohuni të tregoheni më të hapur ndaj të tjerëve. Mos hezitoni. Mendoni më shumë për të kaluar më mirë festat. Binjakët Nuk do të mungojnë yjet mirë që do t’u shoqërojnë gjatë gjithë kësaj periudhe, prandaj duhet të përfitoni për të hedhur hapat e duhur për të konsoliduar pozitat në planin ekonomik. Megjithatë duhet të jeni më të hapur, më të vëmendshëm dhe, më kryesorja, të lini mënjanë ato që i konsideroni si bindjet tuaja të patundura, për të marrë në konsideratë edhe propozime që ju vijnë nga të gjitha anët. Hëna e plotë do t’ju shoqërojë gjatë dhjetëditëshit të tretë, duke bërë që të kaloni në një atmosferë të bukur festat e fundvitit. Gaforrja Keni një mori çështjesh a problemesh përpara, të cilat, ndonëse janë të vogla, kërkojnë angazhim të plotë tuajin, ndryshe mund të ndërlikojnë jo pak pozitën tuaj. Me mbështetjen e Jupiterit në shenjë do të keni mundësi të qartësoheni për objektivat që duhet t’i vini vetes dhe për hapat imediatë që duhet të hidhni. Aq më tepër tani që duket se jeni edhe më të vetëdijshëm për të orientuar të gjitha energjitë tuaja në drejtimin e duhur. Por pa harruar të mendoni ta kaloni sa më bukur periudhën festive. Luani Nëse konstatoni se propozimet tuaja nuk gjejnë mbështetjen që prisni dhe madje konsiderohen të papranueshme nga kolegët apo partnerët, duhet të bëni atë që ndoshta për ju është më e vështira, por e domosdoshme: një hap pas. Ndoshta nuk janë propozimet e gabuara por koha që keni zgjedhur për t’i paraqitur ato. Nga ana tjetër Afërdita dominuese në shenjë është aleatja juaj më e mirë jo vetëm në planin sentimental, por edhe në atë ekonomik, ndërsa Merkuri është një katalizator i shpirtit tuaj krijues. Festa të bukura. Virgjëresha Ngaqë nuk keni qenë në gjendje të gjeni ekuilibret e duhura mes aktivitetit tuaj ekonomik dhe jetës private keni kaluar një periudhë plot stres, çka ka sjellë një farë konfuzioni deri në çoroditje saqë nuk dini nga t’ia filloni për t’i vënë gjërat në vend. Por hyrja e Hyrja e Afërditës në shenjë mund të sjellë një ndryshim të ndjeshëm, çka do të bëjë që dhjetëditëshin e tretë të mendoni vetëm për të festuar. Kujdes, sepse ndjenja e fajit për gabimet e të shkuarës është ajo që nuk ju lë të shikoni me besim nga e ardhmja. Peshorja Ndjeheni disi të lënë mënjanë dhe me të drejtë, se megjithëse jeni plot ide duket se sa herë i shpalosni bien në veshë të shurdhër. Ndoshta nuk keni gjetur njeriun e duhur, por ama nuk duhet të hezitoni të kërkoni edhe mbështetjen e miqve tuaj. Mbase do të ishte më e udhës të prisnit mbylljen e vitit, për të marrë pastaj me projektet për vitin e ardhshëm. Nga ana tjetër Jupiteri rikthehet te Dashi duke ju ndihmuar të bëni zgjedhjen e duhur në raportet ndërpersonale, ndërsa në pjesën tjetër do të mendoni vetëm për festat. Akrepi Ideja apo edhe fakti që mund të jeni nën vartësinë e dikujt, qoftë edhe përkohësisht, nuk ju le të qetë. Kësisoj, duke pasur parasysh edhe krenarinë që karakterizon të lindurit e kësaj shenje, si zor të pranoni një ofertë që ju paraqitet për të punuar për dikë, sado joshëse që mund të jetë. Sidoqoftë, bëni pak durim dhe prisni oferta më të volitshme dhe me kushte më të mira. Ndërkohë, me Hënën e mirë në shenjë, lërini kokëçarjet për më vonë dhe mendoni më shumë për të kaluar sa më mirë festat e fundvitit. Shigjetari. Duket të mendoni të jeni më konstruktivë për të mos lejuar që një mosmarrëveshje e vazhdueshme me partnerët apo kolegët të kthehet në një konflikt pa kthim. Rikthimi i Jupiterit në shenjë duket se do t’ju shkundë nga një farë apatie që ju vjen edhe nga një valë nostalgjie për një të kaluar jo shumë të largët, e stimuluar edhe nga ndikimi i Hënës. Një problem i vogël financiar nuk ndikon aspak në ekonominë tuaj, prandaj asnjë shqetësim. Mendoni të kaloni sa më bukur periudhën festive. Bricjapi Ndoshta ngaqë kohët e fundit impenjimet tuaja kanë qenë aq të shumta sa duket sikur mezi prisni që të mbyllet ky vit e t’i përkushtoheni më shumë festave. Hyrja e Merkurit në shenjën tuaj duket se do t’ju sjellë më shumë qartësi në ide dhe, çka është më e rëndësishmja, do të bëjë t’ju rikthehet dëshira për të komunikuar. E natyrisht mënyra më e mirë për të përballuar pasojat e një stress-i të akumuluar janë kontaktet dhe bisedat me të tjerët. Ushtrimet fizike janë pika juaj e dobët, por mund t’i zëvendësoni me ecje. Ujori Ka ditë që jeni si të bllokuar dhe ju mungojnë idetë, ndoshta ngaqë mezi prisni ardhjen e periudhës festive, por më shumë se mungesë idesh keni mungesë dëshire. Ana pozitive në këtë aspekt është të jeni të vetëdijshëm se keni nevojë për një periudhë relaksi për të rikarikuar bateritë e për ta filluar vitin e ri me më shumë dëshirë për të punuar. Aq më tepër që në ditët e fundit të vitit rikthimi i Jupiterit te Dashi sjell një periudhë të gjatë kthjellimi me plot ide të reja. Kujdes, me dietën, sidomos gjatë festave. Peshqit E keni filluar këtë muaj të fundit të vitit me vrull me mendimin për t’i mbyllur të gjitha punët e për ta filluar vitin e ri me ide të reja, pa e kthyer më kokën pas. Nga ana tjetër është Hëna në shenjë që ju jep një dorë për të lënë pas krahëve të shkuarën, për të mos e zhytur veten në kujtime që mund t’ju sjellin një gjendje melankolie. Mendoni më shumë pozitivisht, për ta kaluar sa më mirë periudhën festive dhe lëri të tjerat për vitin e ardhshëm. Nganjëherë ia vlen vërtet të mos vrasësh shumë mendjen.

Artikuj të ngjashëm Artikuj

HOROSKIP BOMB

HOROSKOP BOMB

HOROSKOP BOMB

HOROSKOP BOMB

HOROSKOP BOMB

HOROSKOP BOMB

Artikujt më të lexuar

SONDAZHI/ Si ndahen votat për Tiranën e Shqipërinë

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

50 vjet nga Revolta/ SPAÇI – Burgu i komunizmit dhe demokracisë

Të pathënat e ekzekutimit të biznesmenit nga turisti-vrasës

Shpellat e jugut, monumente të braktisura dhe të harruara nga shteti

The game is over

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

HOROSKOP BOMB

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?