HOROSKOP BOMB

Dashi Kjo periudhë pushimesh duket se nga njëra anë ju bën të jeni më të relaksuar e nga ana tjetër duket se do t’ju bëjë më të ndërgjegjshëm për një qasje të ndryshme sa takon administrimit të financave tuaja. Megjithatë dhjetëditëshi i dytë pritet të karakterizohet nga ndikimi mjaft pozitiv i Afërditës te Luani e sidomos i Marsit, që ju sjell energji të reja për të përballuar sfidat që ju presin. Nuk ju mungojnë oferta e propozime, por ju sugjerohet të tregoheni të matur, të dëgjoni shumë e të flisni sa më pak. Demi Keni kaluar një periudhë jo pozitive e kjo do të reflektohet edhe në javën e parë ndoshta, por me kalimin e ditëve gjithçka rregullohet dhe kuadri yjor, me Merkurin dhe Afërditën në shenjë, premton për një muaj mjaft të qetë. Mezi prisni të rihidheni me të gjitha forcat në sektorin ku veproni, por ju këshillohet të mos vendosni të përfshirë nga entuziasmi i momentit, apo euforia për një arritje jo edhe aq domethënëse për ju. Financat në rregull, por mos e teproni me shpenzime të tepërta. Binjakët Pas një periudhe paqëndrueshmërie, mungese besimi, dëshire e vullneti. për shkak edhe të ndikimit të dyshes Mars-Uran, duket se keni ristabilizuar ekuilibret e duhura dhe jeni më të qartë në idetë dhe planet tuaja. Me hyrjen në shenjë të Afërditës ju rikthehet jo vetëm pasioni dhe dëshira për të bërë atë që dëshironi, por do të jeni edhe më të komunikueshëm e më të hapur ndaj të tjerëve. Vetëm se duhet të tregoheni të matur për të mos bërë përtej mundësive tuaja reale. Mirë shëndeti. Gaforrja Problemet tashmë të lëna pas dore janë akumuluar e duket se ky do të jetë një muaj deri diku i vështirë në planin e raporteve me kolegët, miqtë apo qoftë edhe me familjarët dhe kryesisht për çështje ekonomike. Dhjetëditëshi i parë duket se do të kalojë ndoshta pa shumë probleme, por gjasat janë se ky muaj do të jetë i nxehtë jo vetëm në aspektin e motit. Megjithatë, me ndihmën e miqve që nuk ju mungojnë do të mundni patjetër t’ia dilni mbanë. Ndikimi i Merkurit rrit kreativitetin dhe efikasitetin. Luani Në përgjithësi ju që i përkisni kësaj sheje duket se do kaloninjë periudhë në të cilën do t’ju paraqiten më shumë shanse të mira për të rimëkëmbur financat tuaja, por duhet të shmangni ata që ju sugjerojnë maturi e kujdes edhe kur gjërat janë shumë të qarta. Audentes fortuna iuvat, thotë një proverb latine dhe ju e dini mirë se fati është me guximtarët, prandaj mos hezitoni. Aq më tepër që Mërkuri në shenjë duket se do të bëjë të ndjeheni më të sigurtë ndërsa Hëna ju mbështet në planin sentimental. Virgjëresha Edhe pse ndoshta jo gjithçka do të shkojë sipas planeve tuaja, pasi dyshja Mars-Uran sjell pak pështjellim, nuk duhet ta lëshoni veten, pasi mund të jetë vetëm një moment i përkohshëm e që mund të jetë pasojë e ndonjë detaji të lënë pas dore nga vetë ju. Hyrja e afërme në shenjë e Merkurit do t’ju ndihmojë t’ju kthjellohen idetë e t’ju rikthehen aftësitë tuaja organizative. Pjesa e dytë e muajit do të jetë më e favorshme për ju, por duhet të dini të përfitoni e të shfrytëzoni rastet që ju paraqiten. Peshorja Në përgjithësi të lindurit e kësaj shenje pritet të kenë një periudhë kryesisht pozitive, sidomos me rikthimin e Mërkurit në shenjë. Një kërkesë a propozim i juaji që duket se ka rënë në vesh të shurdhët ju pezmaton disi, por duhet të evitoni të mendoni gjatë për gjëra që kanë kaluar. Hyrja e Afërditës në shenjë ju sjell stimuj të rinj dhe do të ndjeheni më të shpenguar e më të kthjellët në mendime. Jeni disi të dyzuar në një zgjedhje që duhet të bëni, por në fund do të bëni më të mirën. Akrepi Pritet të keni një dhjetëditësh të parë mjaft intensiv, pasi nga njëra anë doni të mbyllni sa më shpejt punët që ju kanë mbetur për të menduar për pushimet, e nga ana tjetër, nuk i rezistoni dot tundimit për një ofertë që ju vjen in-extremis. Me Mërkurin nga njëra anë dhe Afërditën nga ana tjetër ju hapet një fazë e re në të cilën mund të gjeni kontakte dhe mundësi të reja për të zhvilluar projektet tuaja. Është momenti të vendosni vetë ju për drejtimin që duhet të merrni, pa dëgjuar të tjerët Shigjetari. Duket se fillimi i këtij muaji ju ka vënë në vështirësi, pasi dëshira për t’u riorganizuar e për të përcaktuar prioritetet për periudhën në vijim, mbetet thjesht e tillë, ngaqë ndodhin gjëra të paparashikuara që ju pengojnë. Megjithatë, falë edhe ndikimit të Mërkurit, pavarësisht pengesave që ju dalin, do të arrini të fitoni më shumë siguri e më shumë vetëdije për aftësitë e mundësitë që keni për të vënë në jetë projektet tuaja. Dielli te Virgjëresha rrit forcën tuaj të karakterit e vlerësimin për veten. Bricjapi Po kaloni një periudhë disi kaotike, e kjo ka bërë që të përmbysni të gjitha planet tuaja të derisotme e të ndjeni nevojën që të ndryshoni edhe bindjet e opinionet, për të shmangur probleme të tjera që do të mund të komprometonin aktivitetin dhe financat tuaja. Është mirë të vështroni pak përreth, pasi mundësi dhe oferta të reja do të keni. Përfitoni edhe nga ndikimi i Afërditës në shenjë që ju stimulon aftësitë tuaja komunikuese. Jeni të favorizuar në planin sentiemental. Një dashuri e re në horizont? Ujori Duket se dyshja Mars-Uran në shenjë do të sjellë një pështjellim në jetën tuaj, por asnjë alarmizëm, pasi bëhet fjalë për një “shkundje” nga ato që mezi priten për të filluar një ndryshim rrënjësor, për të cilin keni kohë që mendoni. Hëna e plotë në shenjë ju jep qetësinë për të hedhur hapat në drejtimin e duhur, por më me vendosmëri dhe nga ana tjetër ju bën më të hapur e më pak dyshues ndaj të tjerëve. Çlirojeni veten nga mendime të turbullta e kufizuese dhe do të shihni se ç’dobi do t’ju sjellë. Peshqit Keni mbetur disi të shkuruar nga një eksperiencë aspak pozitive në raportet me dikë, por kjo nuk duhet të vazhdojë gjatë. Ajo që u bu u bë dhe nuk zhbëhet më. Mendoni më shumë si t’i përshtateni sa më mirë një situate të re të krijuar, duke evituar të nxirrni konkluzione të gabuara nga ngjarjet e mëparshme. Marsi nga pozicioni i tij te Binjakët ju trazon paksa shpirtërisht, por nga ana tjetër ju rikthen sigurinë e munguar, çka bën që t’i shihi gjërat më me optimizëm. Intersant duket edhe erosi.

Artikuj të ngjashëm Artikuj

HOROSKIP BOMB

HOROSKOP BOMB

HOROSKOP BOMB

HOROSKOP BOMB

HOROSKOP BOMB

HOROSKOP BOMB

Artikujt më të lexuar

SONDAZHI/ Si ndahen votat për Tiranën e Shqipërinë

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Shpellat e jugut, monumente të braktisura dhe të harruara nga shteti

50 vjet nga Revolta/ SPAÇI – Burgu i komunizmit dhe demokracisë

Të pathënat e ekzekutimit të biznesmenit nga turisti-vrasës

Banka Botërore, “dhuratë” qeverisë para zgjedhjeve

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

HOROSKOP BOMB

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?