HOROSKOP BOMB

Dashi Kuadri juaj yjor paraqitet në përgjithësi pozitiv, pasi Marsi nga pozicioni te Demi ju sjell energji e dinamizëm të mjaftueshëm për të përballuar sfidat e kësaj periudhe të nxehtë e mjaft të ngarkuar. Jeni disi në mëdyshje për të zgjedhur ndërmjet asaj që i keni vendosur objektiv vetes për të kryer dhe një ofertë të re që ju bën të ndjeheni përkohësisht mire. Sektori i financave duket se është përmirësuar ndjeshëm, por jo gjithçka shkon ashtu si duhet në raportet me të afërmit e miqtë. Demi Pas një dhjetëditëshi të parë të turbullt, ku pasiguria për hapat që duhet të hidhni për të ardhmen ju ka kondicionuar ndjeshëm, ja ku vjen dyshja Mars-Merkur që ju risjell dëshirën për të reaguar e vullnetin për t’u përballur me sukses edhe me situata të ndërlikuara. Ndonëse në planin ekonomik nuk parashikohet ndonjë mrekulli, të paktën do të jeni të stabilizuar. Në planin sentimental, afrimi i Hënës mund të ndikojë në rihapjen e një bisede e për t’i dhënë fund një mosmarrëveshjeje. Binjakёt Tensionet e ditëve të shkuara ju kanë detyruar jo vetëm të ndryshoni taktikë, por edhe të hiqni dorë nga një objektiv që tashmë e konsideroni të paarritshëm. Këmbëmgulja nganjëherë ju çon në kryeneçësi të pakuptimtë e kjo mund të bëjë që në raportet me të tjerët të jeni disi problematikë, e në ndonjë rast edhe acarues. Ju pëlqen pavarësia dhe mendja juaj. por kjo nuk do të thotë se nuk duhet të tërhiqeni edhe kur dukshëm e shihni që jeni gabim. Pak më fleksibël edhe ndaj partnerit. Gaforrja Arritjet tuaja të deritanishme mund të kenë shkaktuar smirën e dikujt tjetër, prandaj mund të prisni ndonjë përpjekje (fatmirësisht të pasuksesshme) për t’ju sabotuar. Marsi e Merkuri ju sjellin stimuj të rinj, por fakti që ju zakonisht parapëlqeni të mbani një profil të ulët, shkon në favorin tuaj. Nuk mjafton vetëm dëshira për të bërë por duhet të keni edhe idetë e qarta për atë që duhet të bëni. Hëna e re dhe Afërdita ju bëjnë të matur e njëkohësisht edhe më të disponueshëm ndaj partnerit. Luani Dhjetëditëshi i parë i këtij muaji ka qenë mjaft intensiv për ju, pasi ju është dashur të përballeni me angazhimet e akumuluara, por falë ndikimit të Marsit do të keni stimujt e nevojshëm për t’ia dalë mbanë. Mund t’ju vijnë shumë oferta e propozime por nuk duhet të hidhni hapa të nxituar pa pyetur më parë ekspertët dhe miqtë e mirë që nuk ju mungojnë. Hëna këtë periudhë stimulon fushën sentimentale dhe nuk përjashtohet që një njohje e re të jetë edhe një dashuri e re. Virgjёresha Pas një periudhe përgjithësisht të qetë, duket se gjërat fillojnë të ndryshojnë paprimtas e me një shpejtësi që mund t’ju zerë në befasi. Marrëveshjet e paqarta që keni bërë deri më sot duket se ju venë në vështirësi e nuk do ta keni të lehtë të ruani ekuilibret. Afërdita dhe Hëna janë në anën tuaj, por kujdes, sepse edhe pse ju stimulojnë të nxirrni më të mirën tuaj, në ndonjë rast ju bëjnë agresivë. Mjaft interesant erosi, por në planin ekonomik është mirë të mbani nën kontroll financat. Peshorja Gjatë kësaj periudhe, sidomos në dhjetëditëshin e dytë, do të keni ndjesinë e të ndodhurit midis dy zjarreve, ndërmjet pritshmërive nga ana e njerëzve tuaj më të afërt dhe kërkesave të po eprorëve tuaj në punë. Jeni gjithmonë në kërkim të ekuilibreve të duhura, por një hap në dukje i gabuar, mund të jetë një lloj felix culpa për ju. Një gabim pra që në vend që t’ju dëmtojë, t’ju sjellë avantazhe. Është një periudhë mjaft interesante për dashurinë, pasi do të keni Afërditën në anën tuaj. Akrepi Duket se ky muaj ka filluar në mënyrë disi kaotike për ju, me situata që alternohen mes nervozizmit e mosmarrëveshjeve nga njëra anë dhe një dëshire të brendshme për t’u hedhur në një aventurë të re. Marsi te Demi, edhe pse me një ndikim jo edhe aq të fuqishëm, mund të ju kthjellojë për t’i zgjidhur konfliktet në mënyrën më të mirë për ju. Ndryshime të ndjeshme pozitive priten në dhjetëditëshin e tretë dhe duhet të keni kujdes se mund të gjejnë të papërgatitur. Bëni kujdes me dietën. Shigjetari Tensionet e brendshme në raport me partnerin apo edhe me njerëzit tuaj të afërt nuk zgjidhen duke iu shmangur përballjes, por duke marrë përgjegjësitë e duke kërkuar kompromisin. Megjithatë, kuadri yjor për të lindurit e kësaj shenje pritet të jetë nga më pozitivët, pasi Marsi, Merkuri dhe Hëna janë në një orbitë shumë të favorshme. Disa ndryshime të domosdoshme në një plan tuajin duhen bërë pa mëdyshje sepse në fund rezultatet do t’ju japin të drejtë. Bëni kujdes me sëmundjet e stinës. Bricjapi Nuk duhet të pezmatoheni aspak nëse konstatoni se e keni të vështirë të përballoni ritmet e larta që ju imponohen nga konkurrenca e ashpër, pasi hyrja në shenjë e Marsit dhe mbështetja e Jupiterit bëjnë të rifitoni terren e madje të jeni një hap para rivalëve. Edhe pse në rrethana të caktuara mund të keni ndonjë problem me ndihmën e miqve tuaj do të mundni t’i bëni ballë. Kujdes në raportet me partnerin, sepse jo rrallë një farë “megalomanie” që ju ngërthen, ve në krizë marrëdhënien. Ujori Pjesa e parë e këtij muaji nuk ka qenë nga më të mirat për ju, pasi keni qenë konfuzë dhe me mendime jo shumë pozitive, por dalëngadalë “qielli” juaj po hapet dhe Marsi e Mërkuri në shenjë do t’ju sjellin ekuilibret e nevojshme. Sidoqoftë pritet një muaj kryesisht i favorshëm dhe duhet thjesht të përfitoni nga rastet jo të pakta që do t’ju paraqiten. Me ndikimin pozitiv të planetit të dashurisë, Afërditës, duket se edhe në planin sentimental gjërat do të shkojnë shumë mire. Kujdes paratë. Peshqit Një farë monotonie që ju ka përfshirë në dhjetëditëshin e parë të këtij muaji do të reflektohet edhe në aktivitetin tuaj të përditshëm, ku rendimenti ka qenë në rënie. por ndikimi i Mërkurit nga pozicioni te Gaforrja ju sjell stimujt e duhur. Në fakt kuadri yjor duket shumë i favorshëm për ju por duhet të jeni më shumë të vtëdijshëm për aftësitë tuaja dhe më të vendosur në hapat që hidhni. Jeni plot me energji pozitive dhe kjo duhet shfrytëzuar në maksimum për të arritur atë që dëshironi.

Artikuj të ngjashëm Artikuj

HOROSKOP BOMB

HOROSKOP BOMB

HOROSKOP BOMB

HOROSKOP BOMB

HOROSKOP BOMB

HOROSKOP BOMB

Artikujt më të lexuar

SONDAZHI/ Si ndahen votat për Tiranën e Shqipërinë

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

“Gardhet” politike të Artan Lames

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

TESS – Shkolla e bukurisë në një shkallë tjetër, profesori ndërkombëtar në auditorin shqiptar

David Kostelancik, ambasadori i ri amerikan që do “drejtojë” Shqipërinë

Pasuria e Ahmet Zogut

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

HOROSKOP BOMB

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?