Harroni ushqimet e skaduara, AKU në aksion për sezonin veror

Baret, restorantet, pikat e akulloreve, pastiçeritë, supermarketet…gjithë industria që merret me shitjet me shumicë e me pakicë është futur në një kontroll të plotë: jo nga ato kontrolle ku bizneseve u “dridhen gjunjët” nga prezenca e inspektorëve, por, AKU ka zgjedhur një formë të re bashkëpunimi. Sezoni turistik është në prag, ndaj inspektorët e ushqimit, në gjithë vendin kanë dalë në terren. Takime sensibilizuese e ndërgjegjësuese, si të kontrollojnë cilësinë e mallit që shesin, e si ta tregtojnë atë tek konsumatori fundor. Kjo është edhe sfida e rradhës.

Jemi në fillim të sezonit turistik. Padyshim që 10 milionë turistët e vitit të kaluar, kanë vënë në lëvizje strukturat shtetërore për të qenë në funksion të plotë, pse jo, për të dhënë maksimumin për të ulur rrisqet për turistët.