Maritim Marina Bay, mos u mendoni se ku do të kaloni Shën Valentinin

Vetëm 3 orë larg Tiranës, në një oaz të qetë të një prej gjireve të Vlorës, të shfaqet me madhështinë e vet Maritim Marina Bay resort, vendi ideal për të kaluar fundjavat e relaksit, apo edhe ditët e shënuara në kalendar. Me një larmi ambientesh, një pritje e ngrohtë nga stafi që shërben, me komoditetin që të lë pa fjalë e dizajnin modern por edhe relaksues, fundjavat mund të jenë më emocionuese sesa mund t’i kishit imagjinuar. Të gjithë duhet të zbulojnë magjinë e brandit “franchaise” gjerman që ka mbërritur në brigjet spektakolare të Vlorës. Kur për herë të parë hyn në resort, përshtypja e menjëhershme që të shkon ndërmend është “Uau”. Përpara teje hapet një qytet më vete për të cilin, sapo bën check-in për të marrë dhomën, do të shohësh një staf të kuruar deri në detaje që të ndihmon deri tek çanta e fundit që ke me vete. Janë punonjësit e Marina Bay resort që të shoqërojnë deri tek dhoma. Ecën dalëngadalë korridoreve që fshehin një lloj kurioziteti prej labirinthi në vetvete, ku dritat e vogla të shndritshme që të vijnë nga pjesa e dyshemesë, të krijojnë një relaks mendor dhe vetvetiu mendja të thotë: është vendi perfekt për tu relaksuar. Hyrja në dhomë, kudo të jetë, është më magjike sesa hyrja në vetë resort. Me gjithë komoditetin e nevojshëm, të duket se me hapësirat gjigande të dhomave e sidomos ato familjare, ke vend të bollshëm për të mos dalë prej saj. Aty i gjen të gjitha. Që nga asortimentet e para që të duhen për të qetësuar fëmijët nga rruga e gjatë, e deri tek kolltuqet e bollshme për të “shtriqur” kockat e për të hedhur sytë nga vetratat e mëdha që të sjellin kaq bukur blunë e detit brenda në dhomën tënde. Dekorimi i brendshëm i dhomave është shumë luksoz, modern dhe i paqtë gjithashtu. Banja ka hapësira të mëdha të bollshme, ndërsa kur do të dalësh në verandë për të shijuar natyrën, të pret një kënd i vërtetë relaksi me ballkonin e madh tavolinën e karriget për të gjithë pjestarët që do të jenë në dhomë. Nuk ke shumë kohë të hysh në botën e komunikimit me natyrën dhe peizazhin që ke përballë. Sepse menjëherë, një djalë apo një vajzë i bie ziles së derës dhe të duket se je në shtëpi, e të uron mirëserardhjen me një tabaka ku në njërën anë ka një pusullë mirëseardhje që të bën të ndihesh si një mysafir special, e në anën tjetër çokollatë e ngrohtë e shoqëruar me një copë kek. Ke dyshimet e tua nëse duhet t’i hash të gjitha, pasi të pret një drekë e bollshme me miqtë a familjen. Por tundimi është i madh për të provuar. Me mendje thua: as jashtë shtetit nuk na e bëjnë këtë lloj shërbimi. E pra, shërbimi është çelësi i suksesit për t’u ndjerë i privilegjuar dhe special. Për të kaluar orë të tëra pa u shqetësuar se të mungon diçka sepse, me një të rënë të lapsit, është pikërisht pranë teje. I vogli merr patinën dhe lëviz sa nga njëra anë e dhomës tek tjetra, ndërsa më të mëdhenjtë, gjëja e parë që bëjnë është rregullimi i temperaturës së dhomës e direkt mendja tek pulti i televizorit e shërbimi i internetit, a thua, se aty do ta kesh mendjen te puna. Por, stafi kujdeset që orët që do të kalosh në resort, t’i dedikohen pushimit aktiv, të folurës me miqtë e të ftuarit, apo kurioziteti për të eksploruar resortin. Do ta kuptosh shumë shpejt se ato që ke kërkuar në fillim, nuk do të jenë prioriteti i qëndrimit tënd në resort. Shën Valentini në prag E pra, kemi hyrë në resortin Maritim Marina Bay në Vlorë. Për të marrë valixhen e për të shkuar nga Tirana deri në vendin tënd të preferuar, do të të duhen veçse tre orë udhtim me makinë pa nxituar. Tani, pas përfundimit të festave të fundvitit, ku qartazi duken gjurmët e dritave vezulluese të festës, e kuqja e të dashuruarve po zë vendin tek arredimi dhe përkujdesja për këdo që do të zgjedhë të kalojë natën magjike të dashurisë në një resort si ky. I vendosur në 20 mijë metra katrorë hapësirë, Maritim Marina Bay Resort, është vetëm 20 minuta larg qendrës së Vlorës. Ka shumë pak vende të mbetura në Shqipëri tek të cilat ti mund të gjesh qetësinë e kërkuar, apo të jesh aktiv në mënyrën që zgjedh pa prishur qetësinë e të tjerëve. Gjiri i vogël ku është vendosur Marina Bay, është si një vend i imagjinuar pushimesh në Maldive, me detin blu përballë, e me natyrën e paeksploruar rreth e rreth. Arkitektura e përzgjedhur për ndërtimin e resortit është e veçantë për të të bërë speciale çdo orë që kalon në resort. Sapo del nga dera e dhomës, ke shumë mundësi të orientohesh nga stafi nëse do të pish një gotë shampanjë buzë detit, nëse do një kokteil alkolik siç ta do zemra në tarracën e resortit, apo do të pish një gotë verë në restorantin që shndrit aq fuqishëm nga vetratat e mëdha prej xhami e me dritat e vogla në çdo tryezë për të krijuar këndin tënd të privatësisë. E çuditshme është në fakt që në këtë kohë të vështirë eksodi njerëzish, të kesh një cilësi shërbimi si tek Maritim Marina Bay. Stafi është profesional, i kualifikuar dhe shumë miqësor. Nëse je në dhomë, dikush do të të pyesë nëse ke preferenca të veçanta për ushqimin për të qenë në pararojë të shërbimit. E nëse je një mysafir i minutës së fundit, mos u shqetëso fare, vetë shefi i guzhinës do të të vijë pranë për të gjetur dhe për të të sugjeruar më të mirën. Sepse, për të gjithë stafin tek Maritim Marina Bay resort, klienti është i pari. Zgjedhje të ndryshme, për njerëz të ndryshëm Për të dashuruarit, në Maritim Marina Bay po përgatisin dhe programe të veçanta. Sepse aty të gjithë kujdesen që jo vetëm të shfrytëzohet komoditeti i dhomave, por gjithkush të ketë mundësi të shijojë sa më shumë prej atij oazi qetësie dhe komforti që të ofron gjithë gjiri i bukur ku është vendosur resorti me hotelet e vilat e vogla. Nëse kërkon privatësi të plotë, mund të zgjedhësh këdo nga vilat e vogla dhe shërbimin do ta kesh njëlloj si në hotel. E nëse je një çift që kërkon atmosferën, muzikën live, ta ndash gëzimin e konfortin edhe me të tjerë atëherë në sallën e madhe në restorantin “Mandarine” do gjesh gjithçka që duhet, edhe vallet popullore, por edhe ato kërcimet romantike të të dashuruarve. Tek “Mandarine restorant” do të keni mundësi të eksploroni gjithçka që të ofron kulinaria e zonës dhe jo vetëm. Me pamjen e mrekullueshme dhe një staf të kualifikuar kamarierësh, me ndihmën e veçantë të shefave të guzhinës që do të ndihmojnë në zgjedhjet tuaja, do t’ju duket se nuk keni ndërmend të ngriheni nga tavolina. Por nëse nuk doni modernen, keni mundësi të zbrisni në natyrë tek “Bato’s Restaurant” ku ushqimet e mishit dhe birrat e ftohta, e natyra qetësuese larg zhurmave e rrëmujës së qytetit por me kontakt vetëm me detin, qiellin e partnerin, do t’ju bëjnë që të mos lëvizni nga vendi. Edhe pse, do të jetë dikush që do t’ju ftojë në katin e sipërm të resortit për të provuar kokteilet e veçanta plot ngjyra e fruta të ndryshme, me muzikë rinore e DJ të famshëm që nuk do t’ju lënë të bini në tokë. Dhe që këtu, keni mundësi po njëlloj të shijoni panoramën madhështore që keni përpara, që nga perëndimi i diellit tek zbritja e hënës deri në det, për të kaluar orë të paharrueshme deri në mëngjes. Jeta e natës merr një tjetër dimension ndërsa qëndron në Marina Bay. Nuk ke asfare frikë se mund të pish ndonjë gotë më shumë alkol sepse je brenda resortit dhe s’do të duhet të lëvizësh makinën. Ndërsa stafi organizator, i zgjedh me shumë kujdes artistët që performojnë, sipas fundjavave, dhe domethënies së tyre. Gjithçka është e alternuar dhe çdo natë ka një muzikë të ndryshme. Nuk mungojnë Dj, muzika live, violinat, apo edhe këngët e të dashuruarve. Thjesht magjike! Pse Maritim? Maritim, është rrjeti i njohur hotelier gjerman, i themeluar që në vitin 1969 dhe ka rrjet hotelesh në gjithë botën. Kushdo mund të kuptojë kënaqësinë e një kompanie me reputacion ndërkombëtar për komoditetin, luksin dhe qetësinë që të ofron. Moto e rrjetit të hoteleve “Maritim” është: takim dhe akomodim nën të njëjtën çati. Rrjetet e hoteleve Maritim ofrojnë një akomodim elegant dhe në qendër, në Gjermani, u krijua HMS – Hotel Management Services International GmbH, një kompani që fokusohet tek menaxhimi i kontratave me rrjetin e hoteleve të përzgjedhura jashtë Gjermanisë, ku përfshihen edhe Egjipti, Bullgaria, Kina dhe Shqipëria. U desh një kohë e shkurtër që Marina Bay Resort të hynte në listën e të përzgjedhurve të rrjetit gjigand Maritim. Sepse që në nisje, në dizenjim dhe komfort, hoteli përmbushi të gjitha pritshmëritë e rrjetit të njohur ndërkombëtar të hoteleve. Sepse tek Maritim të gjithë u bindën që eksperienca e akomodimit në Marina Bay Resort në Vlorë përmbushi të gjitha standartet e larta të kompanisë mëmë. Tek Maritim kujdesen që në çdo vend që shkojnë me hotelet e tyre, të ruajnë nga tradita lokale e secilit vend. Dhe në mënyrë elegante, stafi i Maritim e gjeti këtë edhe tek Marina Bay Resort. Ndriçimi natyral, vendndodhja, ngjyrat, akustika, dizajni – të gjitha duhet të jenë në vendin e duhur në mënyrë që pavarësisht se në cilin shtet mund të jenë të ftuarit e Maritim, ata të ndihen njëlloj. Ndaj rrjeti Maritim krijoi një strategji suksesi, e për më tepër, me zhvillimet vizionare dhe shërbimet si një vlerë e shtuar, luajti një rol të rëndësishëm për të siguruar të ardhmen. Dhe Vlora nuk është një rastësi. Standartet e Marina Bay Resort janë të njëjta me Maritim. Dhe gjermanët vendosën që emri i tyre do të ishte në krye, duke sjellë prej Gjermanisë, ekspertizën më të mirë të shërbimit dhe cilësisë. Këtë e shijojnë jo vetëm klientët shqiptarë, por edhe ata që vijnë nga rajoni, duke përfshirë Serbinë, Kosovën, Maqedoninë e më gjerë, sepse tek Maritim Marina Bay Resort të gjithë punojnë fillimisht për klientin. Detaje box Kontrata “Franchise” me Maritim Kontrata “franchise” mes Maritim dhe Marina Bay resort u firmos në 1 janar 2020, por nga puna zyrtarisht u nis në 1 Maj 2021 për shkak të kufizimeve të vendosura nga pandemia Covid. Dhe në hartën e informacioneve që Maritim jep për hotelin buzë Vlorës evidenton faktin se ka një plazh të bukur brenda gjirit, një SPA, dy restorante dhe pesë bare, duke përfshirë edhe 4 pishina. I gjithë resorti përfundoi ndërtimin në 2018 dhe ka 100 dhoma dhe suita. Të apasionuarit pas sportit, mund të shijojnë fushat e tenisit dhe basketbollit që janë brenda resortit.

Maritim Marina Bay, mos u mendoni se ku do të kaloni Shën Valentinin

Artikuj të ngjashëm Artikuj

Artikujt më të lexuar

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Inva Mula: Unë sopranoja e parë shqiptare në skenat evropiane

Bjeshkët që marrosën turistët: Nga më e bukura Zoj, tek Xhubleta

102 kontejnerët me ngarkesën e errët të maskuar nën hijen e portit

PORTO PALERMO, Ferri i të internuarve në Kalanë e bukur të Vasiliqisë

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

Lojrat Olimpike gradojnë dy rusë në “Kolonelë” shqiptarë

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

Maritim Marina Bay, mos u mendoni se ku do të kaloni Shën Valentinin

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Inva Mula: Unë sopranoja e parë shqiptare në skenat evropiane

Bjeshkët që marrosën turistët: Nga më e bukura Zoj, tek Xhubleta

102 kontejnerët me ngarkesën e errët të maskuar nën hijen e portit

PORTO PALERMO, Ferri i të internuarve në Kalanë e bukur të Vasiliqisë

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

Lojrat Olimpike gradojnë dy rusë në “Kolonelë” shqiptarë

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?