KURIOZITETE

Pse sinjali ndërkombëtar për të kërkuar ndihmë është S. O. S ?

Dihet nga të gjithë që në raste avarie apo fatkeqësie veprimi i parë që bëhet është të kërkohet ndihmë dhe sinjali i njohur ndërkombëtarisht është S. O. S. Lidhur me këtë, duke pasur parasysh faktin se bëhet fjalë për një përdorim universal të këtij sinjali, kanë qarkulluar shumë versione lidhur me origjinën e tij. Më i përhapuri është versioni që, duke e konsideruar si akronim S. O. S. e lidhin me shprehjen angleze Save Our Souls (Shpëtoni Shpirtrat Tanë). Por kjo është thjesht një legjendë urbane. Po si qëndron e vërteta? Në fakt nuk bëhet fjalë për akronim por është një sekuencë e marrë nga alfabeti Morse, në të cilin S formohet nga tri pika ndërsa O me tri viza, pra … — … duke dhënë SOS. Që nuk ka lidhje me shprehjen angleze Save Our Souls e tregon fakti që kjo zgjedhje është bërë në fillim të viteve 1900 nga një radio gjermane dhe zgjedha e SOS u bë për arsyen e thjeshtë se tri pika, tri viza e tri pika ëshë është shumë e thjeshtë të transmetohet nga radiotelegrafistët. Po ashtu edhe për ta dhënë sinjalin me projektorë, në mënyrë që të dallohet vizualisht lehtësisht e lehtë me tri drita të shkurtra, tri të gjatë e prapë tri të shkurtra. Po të ishte akronim në gjermanisht shpreja Save Ours Souls do të ishte Rettet Unsere Seelen. Megjithëse ky sinjal ishte shumë i thjeshtë për t’u transmetuar, u deshën disa vite që të ndërkombëtarizohej e të bëhej universal. Dhe kjo për shkak të rivalitetit të disa kompanive që kishin propozime për kode të tjera për të kërkuar ndihmë. Ishte tragjadia e transatlantikut Titanic më 15 prill të vitit 1912 ajo që u bë shkak që të vendosej përfundimisht sinjali SOS për të kërkuar ndihmë. Atë natë dramatike, radisti Jack Phillips që ishte me shërbim, u dërgoi disa kode për ndihmë anijeve të tjera, nëpërmjet aparatit telegrafik të shpikur nga Guglielmo Marconi, por pa pa rezultat. Atëherë Harold Bride, që ishte koleg i tij i tha se SOS është thirrja e re për ndihmë dhe kjo mund të jetë mundësia e fundit për ta transmetuar. Dhe qe pikërisht transmetimi i këtij sinjalë që bëri të mundur të shpëtoheshin 706 persona, ndërkohë që 1517 të tjerë fatkeqësisht u mbytën.