KURIOZITETE

Pse fotografët në kërkim të fotove sensacionale quhen paparazzi?

Në fakt tashmë fotografët në kërkim të fotove nga jeta private e personazheve të famshëm njihen termin paparazzi, por pakkush e di se pse pikërisht ky emër identifikon këta profesionistë shpesh tepër të bezdisshëm. E vërteta është se ky emër është marrë nga një personazh i njohur i filmit të Federico Fellini-t, La Dolce vita. Bëhet fjalë për fotografin në këtë film që interpretohej nga aktori Walter Santesso, që quhej pikërisht Paparazzo. Që nga ajo kohë të gjithë fotoreporterët që janë gjithmonë në ndjekje to personazheve të njohur për t’i zënë gafil e për t’u bërë foto shumë të sikletshme, për t’ua shitur më pas me çmime të majme gazetave të specializuar në skandale quhen paparazzi. Por pse paparazzo? Në një intervistë të dikurshme, Giulietta Masina, aktorja e njohur që qe edhe edhe bashkëshortja e  Fellini-t kishte deklaruar se këtë emër ia kishte pasur sugjeruar ajo vetë, duke bashkuar dy emra, pappataci (insekte të ngjashme me mushkonjat dhe shumë të bezdishme) dhe ragazzi, pra djem. Por ky version është hedhur poshtë dhe emri i atribuohet gazetarit, kritikut e dramaturgut të njohur Ennio Flaiano, i cili ishte edhe bashkëskensarist i filmit me vetë Fellini-n dhe Tullio Pinelli-n. Dhe kjo, sipas vetë Flaianno-s në rrethana krejt rastësore. Në kohën kur po shkruanin skenarin e La dolce vita Fellini po lexonte librin e shkrimtarit anglez George Gissing, të titulluar Në bregun e Jonit, ku Coriolano Paparazzo ishte pronari i një hoteli në Catanzaro, në të cilin kishte qëndruar autori anglez. Me ta hasur këtë emër Flaiano aty për aty i sugjeroi Fellini-t që Paparazzo të quhej fotografi (që siç u tha në lart u interretua nga Walter Santesso), pasi, spas tij fjala hapja dhe mbyllja e objektivit në aparatin fototrafik i kujtonte hapjen e kapakëvë të vongolave që në dialektin abrucez njihen si paparazze, Dhe meqë edhe Fellini-t i pëqeu shumë kjo gjë, vendosi ta quante Paparazzo personazhin e tij, pa e ditur do të ndërkombëtarizohej menjëherë dhe do të përdorej nga e gjithë bota.