KURIOZITETE

Pse kutia që regjistron të dhënat e fluturimit quhet e zezë?

Tashmë dihet nga të gjithë se dispozitivi elektronik i instaluar në avion apo edhe në anije me qëllim që të regjistrojë të dhënat që, në rast të një aksidenti të mundshëm të shërbejë për të zbardhur shkaqet, quhet kutia e zezë, apo siç njihet ndërkombëtarisht me togëfjalëshin anglez black box. Nuk është e qartë etimologjia e këtij togfjalëshi. Nuk dihet pra nëse kjo vjen ngaqë kutitë e para të realizuar për këtë qëllim ishte në ngjyrë rë zezë, apo merrnin ngjyrë të zezë pas shpërthimit të zjarrit. Fakt është që flight data recorder siç quhet ndryshe kutia e zezë, nuk është aspak në ngjyrë të zezë por në ngjyrë portokalli të ndezur. Dhe kjo për një arsye shumë të thjeshtë, se ngjyra portokalli është një nga ngjyrat që bie më shumë në sy, kështu që në çdo rast aksidenti, ekipet e shpëtimit e kanë shumë më të lehtë ta lokalizojnë. Veç ngjyrës portokalli është edhe e pajisur me shirita retroreflektuese, për të ndihnmuar akoma më shumë lokalizimin. Kutia e zezë në aparat i projektuar për t’i rezistuar përplasjeve shumë të fuqishme dhe është prodhuar me me një material që i reziston nxehtësisë mbi 1 000°C.