KURIOZITETE

Pse agjenti i famshëm James Bond njihet edhe si 007?

Që kur James Bond u krijua në vitin 1953 nga pena e gazetarit dhe romancierit anglez Ian Fleming në romanin e tij të parë Casino Royal, që do të shënonte atë që do të bëhej saga a agjentit të Madhërisë së Saj, sigla 007 që e shoqëronte atë do të identifikonte më vonë të gjithë agjentët secrete, spiunë e detektivë. Por duke pasur parasysh faktin se kritika e kohës u tregua shumë e vakët për personazhin e Fleming, paradoksalisht mund të thuhet se një meritë të madhe ka pasur ekranizmi i veprës së tij nëntë vite më vonë,  në filmin e parë të realizuar në vitin 1962 nga regjisori Terence Young, Dr. No. Dhe sigurisht një meritë të madhe në popullarizimin e këtij agjenti të famshëm kishte padyshim Sean Connery, James Bond i parë i kinemasë.  Por pse emri James Bond dhe pse sigla 007? Për të realizuar personazhin e tij, romancieri Ian Fleming duket se ishte i frymëzyar nga një njeri që ka ekzistuar vërtet dhe që ai e kishte njohur kur shërbente në Royal Navy gjatë luftës së II botërore. Fillimisht kishte dashuar ta quante James Secretan, por më pas ndryshoi mendim duke i vënë mbiemrin e një autori të një libri ornitologjie, pas të cilës Flenming ishte shumë i pasionuar; Bond. Që këtej prezantimi legjendar i tij: My Names is Bond… James Bond! Po sigla 007 ç’tregon? Nëpër filma ashtu si edhe në romane sigla 007 është konsideruar si një shifër sekretet që tregon se agjenti James Bond ka edhe licensën për të vrarë? Po a është vërtet kështu? Në fakt vlen të thuhet se si mitet, legjendat ndërthuren me historinë e realitetin dhe kësisoj narrativa dhe pelikula kanë kontribuuar për të krijuar personazhe e figura të mistershme, ikonike, siç është edhe agjenti për autonomazi James Bond. Po nga vjen kjo sigla misterioze 007? Për të zbuluar këtë mister është e nevojshme të kthehemi prapa në thellësi të shekujve, saktësisht në shekullin XVI kur në fron ishte Elisabeta I e Anglisë. Në atë periudhë në Angli jetonte një matematikan, astronom e gjeograf e ekspert lundrimesh, i quajtur John Dee, i cili frekuentonte shpesh oborrin e sovranes, pasi gëzonte besimin, respektin dhe mbrojtjen e saj. Duke qenë se gëzonte besimin e plotë të Elisabetës I,  shpesh John Dee kryente misione sekrete për llogari të mbretëreshës. Dhe për të nënshkruar mesazhet e tij të rezervuara vetëm për mbretëreshën përdorte siglën 007. Në këtë rast, të dyja zerot nënkptonin dy sy, ndërsa numri 7 ishte numri i fatit I mbretëreshës Elisabeta I. Pra domethënia siglës ishte “vetëm për sytë e Tu” pra mbretëreshës. Jo më kot regjisori John Glen realizoi në vitin 1981 filmin For Your Eyes Only me protagonist Roger Moore këtë radhë në rolin James Bond.