KURIOZITETE

Pse për njerëzit që nuk i shquajnë mire ngjyrat thuhet se janë daltonikë?

Ky defekt tashmë i stërnjohur që konsiston kryesisht në mos dallimin e disa prej ngjyrave. Një defekt që natyrisht që ndoshta është i vjetër sa vetë njerëzimi, por që u zbulua, në rrethana kurioze (të paktën kështu thotë legjenda), nga kimisti, fizikani e meteorolugu anglez  John Dalton (1766-1844). Kështu John Dalton, në rrethana krejt rastësore e hasi këtë defekt të shikimit tek vetja e tij, kur në rastin e një feste quakerësh, (në lëvizje e krishtere puritanësh) kishte blerë një pale çorape, që ati ishin dukur në ngjyrë kafe të errët por që në fakt rezultuan ngjyrë të kuqe të ndezur. Pasi e vuri re këtë, filloi ta studionte deri sa në vitin 1794 arriti në t’i bënte  përshkrimin e parë shkencor këtej defekti, që pikërisht për nder tij e kanë quajtur daltonizëm. Me qëllim që të vazhdoheshin më tej studimet rreth këtij defekti, Dalton shprehu vullnetin e tij që pas vdekjes, sytë t’i hiqeshin e të studioheshin. Dhe në fakt edhe sot e kësaj dite sytë e tij ruhen në Manchester Literary and Philosopical Society. Në saj tij pra u bë i njohur ky defekt që duhet thënë se është I përhapur. Nga daltonizmi ka vuajtur Mark Twain, aktori Ruther Hauer, Bing Crosby por edhe Bill Clinton, Keanu Reeves, Mark Zuckenberg etj.