KURIOZITETE

SPECIALITETI QË LINDI NGA BIXHOZI

Një nga ushqimet më të preferuara kur bëhet fjalë për të konsumuar një vakt të shpejtë, apo për ta shoqëruar një gotë birrë është padyshim një sandwich. Por pakkush e di prejardhjen e këtij specialiteti kaq popullor. Në fakt, ky ushqim ka lindur në rrethana sa rastësore aq edhe të çuditshme. Qe admirali dhe diplomati britanik John Montagu, konti i Sandwich (17198-1792 ai që pa dashje u bë shkak që të “sajohej” një sandwich për t’u ngrënë. Duke qenë se John Montagu luante shumë bixhoz, shpesh i qëllonte të rrinte me orë të tëra në tavolinën e lojës dhe kur vinte vakti për të ngrënë, ngaqë s’e linte dot lojën urdhëronte kuzhinierin t’ia sillte ushqimin aty. Natyrisht që kuzhinieri nuk mund t’i çonte në tavolinën e lojës pjatat me gjellë të ndryshme, por si vrau mendjen, sajoi një panine të mbushur me copa mishi a proshute dhe ia çoi. Aq shumë i pëlqeu konit të Sandwich saqë jo vetëm që porositi prapë, por urdhëroi shefin ta shtonte në menunë e tij. Që atë kohë ky ushqim mori dhe emrin sandwich, në nderim të John Montagu, kontit të Sandwich.