KURIOZITETE

Pse përdoret shprehja për në kalendat greke?

Edhe tek ne është një shprehje që ka gejtur përdorim të gjërë kur bëhet fjalë për diçka që zvarritet pa fund, apo nuk do të ndodhë fare. Kjo shprehje në fakt, sipas Svetonit.  i atribuohet perandorit romak August, i cili e përdorte kur bëhej fjalë për një pagesë që nuk duhej bërë kurrë. Kalendat, në kalendarin romak i korrespondonin ditës së parë të çdo muaji, periudhë kjo në të cilën duheshin paguar të gjithja detyrimet, borxhet dhe huatë. Por kalendat ekzistonin vetëm në kalendarin romak dhe jo në atë grek. Me këtë shprehja pra, perandori August donte të thoshte në mënyrë indirekte se pagesa të tilla nuk do të bëheshin kurrë. Një shprehje kjo që ka gjetur përdorim thuajse në të gjitha vendet, kur bëhet fjalë për diçka që nuk do të ndodhë kurrë. Thuhet se që në vitin 1577, Elisabeta I në përgjigje të kërkesës së Filipit II të Spanjës për të mos mbështetur rebelët holandezë I pat shkruar: Urdhrat tuaja, i dashur mbtret, do të zbatohen në kalendat greke.