KURIOZITETE

Pse meksikanët i quanin amerikanët gringo?

Shumëkush ka dëgjuar, sidomos në filmat kryesisht western, ku meksikanët u drejtoheshin amerikanoveriorëve në termin gringo. Janë të shumta versionet që qarkullojnë për këtë, nga më të çuditshmet e më të pabesueshmet, por studiuesit dhe etimologët në më të shumtën e rasteve bien dakord se origjina e këtij termi lidhet me faktin që meksikanët, duke mos e kuptuar fare gjuhën angleze, e cilësonin gjuhën e tyre griego, pra greke, se për ta greqishtja ishte e pakuptueshme. Me kalimin e kohës fjala pësoi deformim dhe nga griego u bë gringo. Dhe po sipas studiuesve, nuk është e vërtetë, siç pretendojnë disa, se termi gringo përdorej si përçmim ndaj amerikanëve

Pse materiali që përdoret gjërësisht për skelet dritaresh e dyersh quhet duralumin?

Shumë njerëz, duke u nisur nga bashkimi i fjalëve duro (italisht i fortë) dhe alumin, materialin e lehtë e lehtësisht të përkulshëm, të cilin që të gjithë e njohim, gabimisht mendojnë se bëhet fjalë për aluminin e përpunuar dhe fortësuar për t’iu përgjigjur nevojave të industries së aeronautikës e më gjerë. Në fakt e vërteta është se bëhet fjalë për një aliazh të aluminit, bakrit, manganezit dhe magnezit, që e bën pra aluminin jo vetëm shumë të lehtë por edhe shumë rezistent ndaj përkuljeve. Por duro nuk ka të bëjë me i fortë, por është thjesht emri i Dürener Metallwerke, kompanisë që e realizoi patentën që në vitin 1909, Dur(ener) dhe alumin, pra duralumin.