KURIOZITETE

Pse marka e bluzave sportive Lacoste ka këtë emër dhe ka simbol një krokodil?

Sepse kjo lidhet me emrin e tenistit të famshëm, René Lacoste, që së bashku me Jacques Brugnon, Jean Borotra dhe Henri Cochet, formonte katërshen e famshme të tenisit e mbiquajtur edhe katër musketierët, të cilët dominuan në kupën Davis, nga viti 1927 deri në voting 1932. Qenë shokët e skuadrës ata që e mbiquajtën “krokodili” tenistin e famshëm, pikërisht gjatë finales së kupës Davis në Boston kundër Australisë. Pas sukseseve të vazhdueshme në këtë sport, në vitin 1933 Lacoste realizoi linjën e tij të veshjeve sportive, me T-shirt e famshëm që ka për simbol pikërisht krokodilin. Zvarraniku i zgjedhur prej tij si logo për markën, lidhet njëkohësisht edhe me nofkën e tij “krokodili” edhe me simbolin e qytetit Nimes. Që nga viti 1967 Lacoste u vendos në Saint-Jean-de-Luz e deri në ditët e fundit të jetës së tij në vitin 1996 e drejtoi vetë aktivitetin e tij.