HOROSKOP BOMB

Dashi Tashmë Jupiteri ka hyrë me prepotencë në shenjën tuaj dhe duke stimuluar forcën tuaj të karakterit. Jeni shumë të prirur për t’u marrë me fushën sentimentale dhe duket se keni lënë pas dore gjëra më të qenësishme të karakterit ekonomik apo profesional. Mundohuni të evitoni situata të tensionuara në raportet me kolegët pasi Marsi në shenjë ju sjell një dozë agresiviteti në momente të caktuara. Në planin profesional është Mërkuri ai që rrit ndjeshëm kreativitetin tuaj. Demi Në përgjithësi ju që i përkisni kësaj shenje do të jeni nën egidën e yjeve pozitivë, prandaj parashikohet një periudhë relativisht e mirë. Do të jeni shumë aktivë dhe të motivuar për të arritur objektivat tuaja, ndonëse, për shkak të Saturnit, ritmi do të lërë disi për të dëshiruar. Në planin ekonomik keni nevojë për mbështetje apo ndihmë, por hezitoni t’i drejtoheni miqve apo të afërmve që mund t’ju ndihmojnë. Shëndeti mirë, por duhet një dietë e shëndetshme dhe ushtrimet fizike. Binjakët Ndonëse Mërkuri, që zakonisht është planeti që ekzalton aftësitë tuaja në planin profesional, është në një pozicion jo shumë të favorshëm për ju, do të jetë Afërdita te Dashi ylli juaj i mirë. Edhe pse idetë vazhdoni t’i keni disi të mjegulluara, vendosmëria juaj karakteristike për të bërë atë që ju thotë mendja do të japë rezultatet që prisni. Raporte të dendura në aspektin shoqëror por jeni disi të kontraktuar kur është fjala për një njohje apo një dashuri të re. Mirë shëndeti. Gaforrja Ndoshta për shkak të kontrasteve yjore apo edhe për arsye që lidhen me të shkuarën e afërme dhjetëditëshi i parë i këtij muaji do të jetë disi i turbullt për ju. Megjithatë gradualisht do të kthjelloheni dhe do t’i riktheheni performancës tuaj të zakonshme në planin profesional. Nuk është një periudhë shumë e favorshme në aspektin ekonomik, prandaj kujdes me shpenzimet. Mirë raportet ndërpersonale por kujdes sepse Hëna dhe Urani në shenjë bëjnë që të acarahoni për hiçgjë. Luani Në përgjithësi ju që i përkisni kësaj shenje do të kaloni një periudhë relativisht të qetë në dhjetëditëshin e parë, ndërsa kontrasti i Saturni dhe Uranit në shenjë duket se do t’ju shkundë duke bërë që të dilni nga një gjendje thuajse apatie. Nga ana tjetër është Afërdita dhe Marsi që stimulojnë shumë aspektin luftarak që fshihet tek ju duke bërë që në një përplasje eventuale me dikë, të dilni fitimtarë. Financat tuaja janë në rregull, por kujdes se një investim i pastudiuar mund t’ju verë në vështirësi. Virgjëresha Duket se largimi i ngadaltë i Jupiterit do t’ju lehtësojë disi, por megjithatë do t’ju duhet të vazhdoni të punoni me ngarkesë të plotë për të arritur pikësynimet tuaja. Ndoshta e kishit menduar se suksesin e kishit afër aq sa të shtrinit dorën, por në fakt do t’ju duhet të shpenzoni shumë energji e ndoshta edhe para por, në fund do t’ia dilni mbanë. Sidoqoftë impenjimet e shumta në planin profesional nuk duhet të bëjnë të harroni angazhimet e tjera. Dieta dhe ushtrimet fizike janë shëndet. Peshorja Duket se për ju pritet një periudhë vërtet e vështirë, por ngaqë jeni të mësuar me situata deridiku të ndërlikuara, nuk ju bën edhe aq përshtypje. Nga njëra anë Plutoni agresiv e nga ana tjetër Afërdita “tekanjoze” bëjnë që ta keni të vështirë të ruani ekuilibret, por për ju ka rëndësi të arrini me çdo kusht synimet tuaja pa e vrarë shumë mendje për koston. Keni një anë pozitive që mësoni nga gabimet dhe nxirrni mësimet e duhura. Forma e mirë psikofizike është garanci suksesi për ju. Akrepi Do të jeni nën egidën e një Plutoni mjaft pozitiv, që ju bën tërheqës, magnetikë, por edhe hermetikë, duke bërë që kundërshtarët tuaj ta kenë plotësisht të pamundur të zbulojnë synimet tuaja, që është një avantazh për ju. Por nëse në planin profesional dhe ekonomik jeni të papërballueshëm, në raportet ndërpersonale, falë një Marsi “ngatërrestar” në shenjë do të jeni disi zevzekë, të pabindur e ndoshta edhe grindavecë. Kujdes me batutat, se gjuha kocka s’ka por kocka thyen. Shigjetari Do të jeni si gjithmonë entuziastë, optimistë e plot jetë e gjallëri, çka bën që edhe ndonjë pengesë të vogël që mund t’ju dalë ta kapërceni pa ndonjë impenjim të madh. Edhe kuadri yjor është përgjithësisht pozitiv për ju, sepse keni në anën tuaj Afërditën, e cila ju bën pasionalë dhe Jupiterin që është burim i entuziazmit tuaj. Në planin e ekonomik jeni në një pozicion komod, por a nuk ju duket se e teproni paksa me shpirtin tuaj të kursimit? Mirë jeta shoqërore dhe raportet me partnerin. Bricjapi Pritet një periudhë pozitive, duke filluar sidomos nga dhjetëditshi i dytë e më tutje dhe duke pasur mbështejen e Plutonit që ju sjell forcë e vendosmëri. Edhe në rastet të ndonjë problemi apo përplasjeje me dikë, jeni aq karizmatikë sa të merrni përgjegjësitë pa iu dridhur syri, duke i bërë për vete edhe kundërshtarët më të vendosur. Kujdes, një ofertë joshëse duhet peshuar mirë, prandaj kërkoni ndihmën e ekspertëve tuaj të besuar para se të jepni një OK. Sa romantikë ju bën Hëna! Ujori Do të jeni nën ndikimin e një Saturni “hijerëndë” që duket se jua rëndon lëvizjet, ju bën dyshues, të pavendosur, por që në fund të fundit të jetë një pikë referimi gjatë gjithë kësaj periudhe. Mbase do të t’ju duket sikur jeni të vetmuar e madje edhe të izoluar, por është thjesht një përshtypje dhe sa më shpejt ta kuptoni aq më mirë do të jetë për ju. Financat tuaja janë mëse të qëndrueshme. Raportet me partnerit jo edhe aq, por do të mjaftojë një udhëtim i shkurtër me të që normaliteti të rikthehet. Peshqit Në përgjithësi shenja juaj do të jetë e dominuar nga yje të mirë dhe parashikimet për këtë periudhë do të jenë nga më të mirat për ju. Sikur të tregoheni më pak idealistë e një grimë më shumë pragmatistë, përfitimet tuaja në aspektin ekonomik do të jenë sigurisht më të mëdha. Nuk mjafon vetëm dëshira për të qenë i dobishëm por duhet të tregoheni të gatshëm kur kërkohet ndihma juaj. Mërkuri ju destabilizon paksa, por është Afërdita që ju risjell harmoninë në planin sentimental.

Artikuj të ngjashëm Artikuj

Horoskopi

Horoskopi Prill

Horoskopi Mars

Horoskopi Shkurt

Horoskopi

Artikujt më të lexuar

Një vit pa Tanin, por me veprën që la pas

Tre pengjet, tre amanete, tre mesazhe politike

DASHURITË E MIMOZËS APO MOZË DASHURIA?

Tirana, Besnikëri, apo Rebelim?

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

MOZA ËSHTË TUTORI I VETËM I VETES

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?