Revista Newsbomb – MARS 2026

Në numrin e ri të revistës Newsbomb.al do të lexoni

Ilir Meta nga qelia, mes transformimit dhe politikës. 513 ditë në izolim, disiplinë, libra dhe ambicie për rikthim. Në një intervistë ekskluzive nga burgu, ish-presidenti rrëfen betejën me veten dhe planet për të ardhmen. A është ky një transformim apo strategji?

Nga busti te vila. A ka ikur vërtet komunizmi? 35 vite pas rrëzimit të diktaturës, sheshi mbetet i njëjtë në frymë. Mes Sali Berishës dhe Edi Ramës, a ka ndryshuar politika apo vetëm armiku?

Rivlerësimi i Pronave/ Pagesë sot për të fituar nesër. Në një treg me çmime në rritje, skema e re premton lehtësim fiskal. Kush përfiton realisht dhe kush mbetet jashtë?

Nga heshtja te zbulimi/ Shqipëria në sytë e një Italiani. Propaganda, izolimi dhe një udhëtim në 1985. Si kaloi Shqipëria nga një emër i panjohur në një histori që tronditi Italinë në ’91?

Dossier/ Gjirokastra dhe tuneli anti-bërthamor. Një qytet që jeton në disa kohë njëherësh fsheh një vepër të ndërtuar për fundin e botës. A ishte kjo mbrojtje apo iluzion?

Igli Zarka, aktori mes fatit dhe zgjedhjes. Një rrëfim për artin, rastësinë dhe momentet që ndryshojnë gjithçka. A e ndërtojmë vetë suksesin apo thjesht e takojmë atë?

Mes ëndrrës dhe rënies, Superiore që nuk fal. Favoritë që lëkunden, surpriza që ngjiten dhe emra të mëdhenj në krizë. A është ky sezoni më i paparashikueshëm i kampionatit shqiptar?

Këto dhe shumë të tjera do t’i lexoni në numrin e ri të revistës Newsbomb.al të muajit Mars.