KURIOZITETE

Pse kinemaja cilësohet edhe si arti i shtatë?

Në fakt kur bëhet fjalë për kinemanë, shpesh dëgjohet të thuhet se është arti i shtatë dhe sipas një logjike të thjeshtë i bie që të njihet kështu sepse vjen pas gjashtë lloj artesh të tjera. Dhe është pikërish ashtu, ngaqë arti i kinemasë është i fundit dhe më i riu i krijuar, që kur vëllezërin Lumière shpikën në vitin 1895 kinematografin, këtë instrument që bëri të mundur për herë të parë të projektoheshin imazhe në lëvizje në një ekran. Natyrshëm lind pyetja: po gjashtë artet e tjera cila janë? Të gjashtë artet e para e kanë zanafillën që në lashtësi dhe renditen kështu. Arkitektura, muzika, piktura, skulptura, poezia, vallëzimi, që vijnë nga thellësia e shekujve, ndërsa kinemaja, siç u tha edhe më lart, është më i riu. Por kush e cilësoi i pari kinemanë si arti i shtatë? Ishte italiani Ricciotto Canudo 1877-1923, i konsideruar si intelektuali i parë që realizoi një mendim kritik e sistematik mbi kinemanë, ai që krijoi me këtë rast edhe termin “arti i shtatë”, me të cilin njihet pra në të gjithë botën kinemaja.