Skënderbeu e Ali Pasha, “arkitektët” e fitoreve me “SPIUNE”

Gjergji fitoi 29 beteja në 25 vite, ndihmuar nga rrjeti i informatorëve. Ali Pashai arriti ta perfeksiononte rrjetin aq shumë, aq sa smbrapsi Napolon Bonapartin, anglezët madje dhe 4 sulltanë të Portës së Lartë. Zogu pati “dashuri” dhe “urrejtje me Haki Stërmillin që e vuri në krye të punëve të spiunazhit; ndërsa Ever Hoxha arriti të mbrojë radiostacionin ilegal në zemrën e Shqipërisë pushtuar nga Gjermanët, pa rënë në dorë të pushtuesit. Si u krijua sistemi i marrje-dhënies së informacionit në periudha të ndryshme të historisë së Shqipërisë

Gjergj Kastrioti Skënderbeu pati sukses në 29 beteja zhvilluar në 25 vjet, jo rastësisht. Në botime dhe shënime të ndryshme të kohës, nga autor vendas dhe të huaj, siç është libri i Marin Barletit apo dhe Fan Nolit në kohët e mëvonshme tregojnë se Skënderbeu ka pasur një rrjet të mirorganizuar informatorësh. Në repartet e zbulimit ishin angazhuar njerëz të të gjitha shtresave duke filluar nga shtresat më të thjeshta e deri tek oficerë të lartë. Edhe vetë Skënderbeu apo njerëz të besuar të tij, si Moisi Golemi, mësohet të jenë marë me zbulim, duke i dhënë rëndësi të madhe taktikës së zbulimit, pa të cilin nuk do të kishte sukses ushtria e Skënderbeut.