PREKJE – Gruaja HYJNORE me ngjyra si yjësi që vibron

Prekje - një fill emocioni. Ajo të thith butësisht duke qëmtuar në thellësitë e skutave të shpirtit, aty ku shpërthejnë afshe ngjyrash, lëvizjesh, ku si lastar hedh shtat një Palimpsest i ri ardhur për herë të parë nga Linda Guri Një prekje e padukshme që mbështjell e pështjellon tiparin e shuar zanor, thënë dhe pa thënë… E zhveshur nga frika, artistja shfaq sensualitetin, madhështinë hyjnore, universin e gruas, qenësinë e saj. Ngjyrat shpërthejnë, emocionojnë, frymëzojnë dhe jetojnë në metalin e ftohtë ku ato serviren, mes pluhurit mbulues, mes elegancës së plastikës, mes pastërtisë së ujit, si kodet që presin syrin t`i çkodojë... - Unë jam Linda. Eja në eksperimentin tim! Dua të të marr në botën time transparente, në prekje të shumëdëshiruara. Rilind në tonet e penelit tim. Ofsho! Kthehu enigmë, e butë dhe e fortë, sensuale dhe e frikshme, e sigurt në vallen e ngjyrave mes pluhurit e maskës plastike që të mbulon e të transformon derisa hapesh në metamorfozë shpërthimesh fluturake nën nuancat e brishta të nënvetëdijes. Artiste e shumëdimensioneve, Linda frymëzohet nga njeriu dhe gjendja e tij, për të sjellë galaktikën në portretin e gruas, për ta shndërruar atë në ndjesi artistike, si antipod i formës materiale, si një dëshirë personale për të shkrirë talentet e saj. Zgjedh gruan, pasi vetëm përmes qënies komplekse mund të përcillen emocione të fuqishme: si një yjësi që vibron. Ajo të fton ta shohësh, të përtypesh, të përhumbesh e të zhytesh me të. Por çfarë është kjo ekspozitë? Prekje, takimi i dy gjendjeve; asaj fizike dhe shpirtërore, e cila jetëzohet falë tre elementeve që ndërlidhen më lëkurën e individit. Ky është realizimi i artistes Linda Guri, një ekspozitë ku parashtrohet portreti i një vajze që ndërvepron me ujin, plastikën dhe pluhurin mbulues. Ekspozita “Prekje”, e shfaqur në sallonin e kryeministrisë, është një bashkëpunim mes piktores Linda Guri dhe fotografit Ergys Zhabjaku, me plot 31 fotografi, një punë disa mujore që konkludohet në këtë projekt që synim ka shfaqjen e emocioneve të pastra. Ashtu si Linda pikturon në një telajo, këtë herë krijimin e ka bërë në portretin e qenies njerëzore, duke lejuar ngjyrat që të transmetojnë jetën. Me ndriçimin e kuq dhe atmosferën e ngrohtë, ekspozita pret njerëz ta vizitojnë, së bashku me një video me një stalacion në një telhajo të zezë metalike, e quajtur Prekje. Fotografitë të japin mesazhe të ndryshme, përmes portretit të gruas. Duke e zhveshur gruan nga frikërat, dy artistët kanë synuar të shfaqin sensualitetin, madhështinë hyjnore dhe universin e saj. Ngjyrat shpërthejnë mes elegancës së plastikes, pastërtisë së ujit dhe aftësisë mbuluese të pluhurit. Ekspozita do të vijojë e hapur deri me 28 shkurt për vizitorët që duan të shohin diçka ndryshe, për të parën herë, në Tiranën e zhurmshme. Linda: Si e bëra Ëndrrën, realitet “Mendimi për projektin është pak i gjatë. Pasi mbarova studimet e larta, kisha dashur gjithmonë një ekspozitë. Por nuk gjeja dot kohën. U mora me “make up”, në një trend për “make up artist” dhe u harrova. E lashë ëndrrën në sirtar për disa kohë. Ëndrra ime, gjithmonë ka qenë ekspozita e piktura. Më pas, ardhja në jetë e Hebas, vajzës sime, mori kohën e saj…Por nuk u harrova. Shpejt e kuptova që duhet t’i rikthehesha ëndrrës”, thotë autorja për këtë vepër të veçantë. “Koncepti i ekspozitës nis me figurën e gruas. Unë aty qëndrova pasi mendova se gruaja do më jepte emocionet që unë doja të shprehja në portrete. Kësaj figure i shtova, kolore. Një pikturë e ardhur në një figurë reale. Për ta bërë konceptual artin tim, i shtova elementë jetësorë, uji, plastika dhe pluhuri. Të gjitha i ktheva në një element artistik” tregon Linda Guri. “Modelja është vetëm një, Nikoli, është e preferuara ime. Dhe unë nuk eksperimentova në portrete të tjera. Gysi, (fotografi) mendoj se ishte i duhuri për këtë projekt. Pa të, nuk do e sillja dot imazhin që doja. Kur kam shkuar në fillim tek ai për t’i prezantuar projektin, më tha: Linda, unë nuk bëj “Beauty” (qesh). I thashë se nuk është “Beauty”, është art e pikturë. Pastaj e pranoi faktin dhe tha “le ta provojmë”. Dhe u përfshimë në këtë projekt” tregon Linda. Ideja dhe realizimi I gjithë procesi është i ndërtuar mbi një portret real. Grimca zgjimi, vorbull ëndrrash, apo prekje dashurie, këto janë elementët që bëjnë konfuzë dhe vizitorët. Teknika e përdorur, është një ndërthurje ndërmjet ngjyrave dhe plastikës, pluhurave, dhe ujit. Janë përdorur këto elementë, pasi nëpërmjet transparencës së tyre mund të ruhen tiparet e portretit, marrëdhënia e ngjyrës që qëndron mbi portret si dhe krijimi i një gjendje dhe emocione të ndryshme shpirtërore tek secila prej tyre. Pra, një pikturë eksperimentale mbi një portret. Dhe i gjithë ky proces qëndron i fotografuar dhe i printuar në një material metali.

PREKJE – Gruaja HYJNORE me ngjyra si yjësi që vibron

Linda Guri

Artikuj të ngjashëm Artikuj

Drejt Librit, shkrimtarë e politikanë bashkohen në Panair

“TË PUSHTUAR” NGA NJË KAMPION FUTBOLLI DHE ITALIANËT

Më të mirët e këtij panairi

Myfarete Laze, rrëfim për një kohë të ndaluar

Katina Beleri, “Vajza e Valëve” të Himarës, gur i çmuar i Bregut

LILI CINGU, KËMBËT QË VALLËZOJNË ENDE

Artikujt më të lexuar

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

“Krenaria e Kuçovës”, uzina e “shqiponjave” në qiell

Arben Dervishaj: Ju rrëfej ditët e mia pa liri!

Inva Mula: Unë sopranoja e parë shqiptare në skenat evropiane

Nano, beteja e një jete

Mario Ashiku, një dashuri, shanse të dyta dhe një jetë e jetuar bukur (si vetë ai)

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

PREKJE – Gruaja HYJNORE me ngjyra si yjësi që vibron

Linda Guri

Prekje – një fill emocioni. Ajo të thith butësisht duke qëmtuar në thellësitë e skutave të shpirtit, aty ku shpërthejnë afshe ngjyrash, lëvizjesh, ku si lastar hedh shtat një Palimpsest i ri ardhur për herë të parë nga Linda Guri

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?