KURIOZITETE

Pse kostumi i banjës dypjesësh quhet bikini?

 I pari që krijoi një kostum shumë më të vogël banje për femrat qe stilisti Jacques Heim në vitin 1932, kostum që për shkak të përmasava të reduktuara në minimum për kohën bëri shumë bujë dhe u ripagëza me emrin Atom. Por ai që pati një ide gjeniale për këtë lloj kostumi qe Louis Réard, një inxhinier në sektorin e automobilëve, që edhe pse nuk ishte stilist, trashëgoi një linjë veshjesh të brendshme nga e ëma. Duke parë se femrat në plazh i mblidhnin rrobat e banjës për të marrë sa më shumë rreze në vendet e mbuluara, skicoi dhe realizoi një kostum dycopësh shumë të reduktuar, i pari që linte jashtë kërthizën dhe qe Michelle Bernardini, top model, që i mbathi e ekspozoi e parë një pishinë në Paris. Dhe menjërë u ripagëzua me këtë emër, sepse si kostum “eksploziv” kujtonte testin bërthamor të sapokryer nga amerikanët në ishujt Bikini të paqësorit. Ishte viti 1946.