HOROSKIP BOMB

Dashi Mundohuni t’u jepni fund problemeve të vogla të trashëguara për t’i hapur rrugë realizimit të projekteve dhe ideve që nuk ju kanë munguar asnjë here. Merkuri pozitiv në shenjë do të stimulojë pikërisht kreativitetin tuaj, ndërkohë që duhet të përcaktoni ju vetë se çfarë ju duhet, për çfarë keni nevojë në mënyrë që të përmirësoni gjendjen tuaj ekonomiko-financiare. Nga ana tjetër Marsi, që sapo ka hyrë te Luani, duket se ka një efekt tonifikues, sepse do të ndjheni më të gjallë e më luftarakë. Demi Tashmë Jupiteri sapo ka hyrë në shenjën tuaj dhe do të ketë një impakt të menjëhershëm duke rizgjuar e stimuluar ambicien tuaj për të dalë mbi të tjerët. Në këtë kontekst pritet të hapet një kapitull i për sot dhe për të ardhmen, ndoshta edhe me një eksperiencë të re që mund t’ju ndryshojë rrënjësisht jetën. Gjithçka në rregull në planin ekonomik dhe financat tuaja duket se po rimëkëmben. Kujdes në raportet ndërpersonale, pasi Marsi luftarak ju bën hera-herës nervozë e acarues. Mirë shëndeti. Binjakёt Edhe pse fillimi i këtij muaji ju ka gjetur disi konfuzë e të papërqëndruar, kanë mjaftuar pak ditë për të mbledhur veten e për të vijuar me këmbënguljen tuaj karakteristike në atë proces pune që keni filluar më parë. Dhe nuk do të prisni gjatë për të parë rezultatet që do të jenë të prekshme e reale. Me zbehjen e ndikimit të Merkurit në shenjë do të ndjheni disi më të çliruar dhe me më shumë qetësi shpirtërore. Mjafton pak durim dhe pak toleracë dhe mosmarrëveshjet me partnerin zgjidhen shumë shpejt. Gaforrja Pas një dhjetëditëshi të parë disi të trazuar të këtij muaji, për shkak të pakënaqësive të akumuluara, situata është shumë më e qetë. Është Afërdita në shenjë që me ndikimin pozitiv të saj rrit ndjeshëm vetëvlerësimin tuaj duke bërë që të ndjeheni në pozita të barabarta me të tjerët. Është mirë që të kërkoni marrëdhenie me njerëz që kanë pak a shumë interesa të përafërta me tuajat, për të pasur raporte pune afatagjata. Hyrja e Hënës në shenjë do të bëjë të gjeni dimensionin e duhur në planin sentimental. Luani Pas një dhjetëditëshi të parë relativisht që qetë në një routine që duket edhe se ju ka mërzitur disi, hyrja e Jupiterit te Demi ka një efekt të menjëhershëm e duket se do t’ju shkundë nga një gjendje e tillë. Një nga dobitë e planeti gjigant që do të qëndrojë shumë gjatë në shenjë, është se do t’ju rizgjojë shpirtin tuaj të iniciativës, prandaj ju sugjerohet që idetë, të cilat nuk ju kanë munguar, t’i ktheni në projekte. Mos u tërhiqni para atyre që tregojnë skepticizëm për idetë tuaja, por mundohuni të gjeni aleatët e duhur. Virgjёresha Nuk keni pse të mbeteni peng i ideve apo metodave të vjetra, por mendoni më shumë për perspektivën. Duhet të shfrytëzoni si duhet një nga vetitë më të mira që keni ju, fleksibilitetin dhe mos harroni se edhe nëse gaboni, duhet të nxirrni mësime sepse ju vlen edhe një eksperiencë negative. Keni një frikë të brendshme se nuk mund t’ju dale një situatë e caktuar nga kontrolli, por është krejtësisht e pajustifikuar. Me Hënën pozitive në shenjë jeta sociale dhe raportet ndërpersonale janë mjaft intensive. Peshorja Nuk ju mungojnë as mundësitë e as resurset por nuk jeni në gjendje t’i orientoni në drejtimin e duhur. Është koha që t’i përdorni financat tuaja në një mënyrë tjetër, më efikase dhe të mos keni frikë të investoni e aq më pak të pranoni këshillat e ekspertëve tuaj të besuar. Duhet të mësoheni të keni më shumë besim te njerëzit që ju rrethojnë dhe të mos mundoheni t’i bëni të gjitha vetë por edhe të delegoni. Marsi dhe Afërdita janë në ekuilibër të plotë, çka do të ndikojë te ju në qëndrimet që duhet të mbani. Akrepi Tashmë shumë prej jush që i përkisni kësaj shenje e keni kaluar një dhjetëditësh të parë mes dëshirës për të bërë një ndryshim rrënjësor dhe shqetësimit e pasigurisë që një hap i tillë mund të shkaktojë. Por sa më shumë kalon koha aq më shumë e kuptoni dhe bindeni se është pikërisht tani momenti për t’u ndarë një here e mirë me të kaluarën. Jupiteri te Demi është planeti që ju mbështet dhe ju bën më të vendosur për të hedhur hapin vendimtar. Nga ana tjetër Hëna stimulon raportet ndërpersonale dhe dashurinë. Shigjetari Në përgjithësi të lindurit e kësaj shenje gjatë kësaj periudhe janë të prirur të kërkojnë mundësi të reja për të rivitalizuar një aktivitet që duket se ka rënë në monotoni. Hyrja e Merkurit në shenjë ju stimulon aftësitë komunikative çka do të bëjë ta keni më të lehtë të bindni edhe ata që zakonisht kokëfortësinë e kanë armën e tyre kryesore për t’u dalë e tyrja. Me hyrjen në shenjë të Hënës në një pozicion të favorshëm një njohje e re ka shumë mundësi të kthehet në një relacion serioz. Më shumë kujdes me shëndetin. Bricjapi Ndoshta jeni disi të mërzitur të qëndroni në pozicion të tërhequr e të prisni që të jenë të tjerët të vendosin edhe kundër dëshirës tuaj. Dhe duket se tani e keni kuptuar se interesat e tuaja nuk përputhen aspak me ato të atyre me të cilët jeni të detyruar të bashkëpunoni. Prandaj është tani momenti të mbyllni pa hezitim një kapitull dhe të hapni një tjetër. E kush më shumë se Merkuri mund të stimulojë në maksimum aftësitë tuaja krijuese? Nga ana tjetër, Afërdita favorizon njohjet e lidhjet e reja sentimentale. Ujori Nëse ndjeheni të mbingarkuar është më e udhës të hiqni dorë nga ndonjë detyrë më pak të rëndësishme sesa të vazhdoni të shpenzoni energjitë, të cilat duhet të dini ti administroni mire pasi e ardhmja e afërt mund t’ju rezervojë shumë të papritura. Mundohuni të gjeni gjuhën e përbashkët me kolegët e bashkëpunëtorët sepse kjo do t’ju ndihmonte të shfrytëzonit mire kohën dhe resurset. Duket se tashmë e keni gjetur dimensionin tuaj dhe me mbështetjen e Jupiterit do të konsolidoni pozitat. Kujdes me dietën. Peshqit Tashmë duket se ka kaluar periudha në të cilën ju është dashur mbështetja dhe ndihma e dikujt prandaj duhet të lini mënjanë pasigurinë dhe të keni më shumë besim në forcat dhe aftësitë tuaja. Kush ka kohë të mos presë kohë, thotë një sentencë e vjetër dhe kjo vlen shumë për ju. Do të keni përpara shumë gjëra për të bërë, por kjo nuk duhet t’ju shkurajojë, përkundrazi. Duket se e keni të vështirë të mbani ritmin, por me hyrjen e Marsit në shenjë, do të jeni më të vetëdijshëm për potencialin tuaj.

Artikuj të ngjashëm Artikuj

HOROSKOP BOMB

HOROSKOP BOMB

HOROSKOP BOMB

HOROSKOP BOMB

HOROSKOP BOMB

HOROSKOP BOMB

Artikujt më të lexuar

Gjergj Luca, kryeoligarku i Shkrimsit, rebeli që grisi diplomën për t’u bërë biznesmen

Inva Mula: Unë sopranoja e parë shqiptare në skenat evropiane

Bjeshkët që marrosën turistët: Nga më e bukura Zoj, tek Xhubleta

102 kontejnerët me ngarkesën e errët të maskuar nën hijen e portit

PORTO PALERMO, Ferri i të internuarve në Kalanë e bukur të Vasiliqisë

JETA E NATËS NË VITET ’90, NGA DISKO ALBANIA DHE MARIKAJ TE BUZUKËT E PARTYT RAVE

51 ministrat që Edi Rama u bëri NDERIN E JETËS

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?

HOROSKIP BOMB

Mbështetni autorët dhe abonohuni në përmbajtje

Shkarko

Zblloko Artikullin

Artikuj të ngjashëm Artikuj

Artikujt më të lexuar

Kontaktet

Kategori

Mirëse u ktheve!

Hapni një llogari të re!

Merrni fjalëkalimin tuaj

Je i sigurt që dëshiron ta zhbllokosh këtë artikull?

Are you sure want to cancel subscription?